Tuesday, September 14, 2010

બે વચનો

(કૈકેઇ ના) બે વચનો

મને રાજ રમત માં ફસાવી, મને ભોળિ ને ભરમાવી..

સંકટ વેળા સંગે રહી ને, બની સારથિ આવી
જાણ્યો જ્યારે જીવ જોખમ માં, બગડી બાજી બનાવી...

સ્વાર્થ ભર્યો છે સ્નેહ તમારો, માનેતી કહીને મનાવી
દશ દિવસ થી નોબત વાગે, યાદ મારી કાંન આવી..

બોલ થકી છો આપ બંધાણા, રઘૂકૂળ રીત તમારી
આપો વચનો યાદ કરીને, આજ ઘાડી હવે આવી..

ભૂપ ભરત ને રામજી વનમાં, ચૌદ વરષ દે વિતાવી
જરકસી જામા પિતાંબર ત્યાગી, તરસી વેશ ધારાવી..

રૂઠી કૈકેઇ ને રાજન રડતાં, યાદ અંધોની આવી
બ્રહ્મ ના પિતાની કરૂણ કહાણી, "કેદાર" કરમે બનાવી..

No comments:

Post a Comment