Monday, September 13, 2010

ધનુષ યગ્ય

ધનુષ યગ્ય
(ધનુષ યગ્ન સમયે જ્યારે કોઇ રાજા ધનુષ ભંગ ન કરી શક્યા ત્યારે જનક રાજા ની વ્યથા)

મને સમજ પડી ગઇ સારી, મેં વિપરીત વાત વિચારી...

મેં જાણ્યુતું મહિપતી મળશે, શોભા બનશે ન્યારી
મિથિલા મારી ધન્ય બની ને, જોશે જાન જોરારી...

મૈથિલી ને મહા દુખ આપ્યું, મુખ શકું ના દેખાડી
સુનયના ને શું સમજાવું, નિમી નસીબ વિચારી...

વિર વિહીન વસુ મેં ભાળી, શું હજુ બેઠાં વિચારી
જાઓ સિધાવો વધુ ના લજાવો, -ભલે- કુંવરી રહેશે કુંવારી..

ક્રોધીત લક્ષમણ રામ રીઝાવે, વિશ્વામિત્ર વિચારી
ઉઠો રઘૂનંદન કરો ભય ભંજન, શિવ ધનુ શિશ લગારી..

હાથી જેવા હેઠાં બેઠાં, સિંહ ઝટકી કેશવાળી
પિનાક પરસી ત્યાં વિજળી વરસી, દિગ્મુઢ દુનિયા સારી..

વૈદેહી વરમાળ ધરાવે, શોભા સઘડે ન્યારી
"કેદાર" દર્શન નિત નિત પામે, સીતા રામ સંભારી...

મૈથિલી /નિમી= સીતજી

No comments:

Post a Comment