Sunday, July 1, 2012

રામાયણ પ્રસંગ मिथिला दर्शन

મેલ ઓન ૨.૭.૧૨

રામાયણ પ્રસંગ मिथिला दर्शन

आये मिथिला नगर के मांही,
रघूकूल भूषन राम दुलारे, संगहे लक्षमन भाइ....
૧-गौर बदन एक श्याम शरीरा, एक चंचल एक धीर गंभीरा. एक देखुं तो भूलजाउ
दुजा, चलत नहीं चतुराई...आये..
૨-नर नारी सब नीरखन लागे, बर बस शिश जुकाइ. सूरज चंदा संगमें
निकला, पूरन कला पसराइ....आये..
૩-आइ सखीयां करती बतियां, सपनेहु देखो में नाहीं. एसो बर जो मिले
सीयाको, चण्द्र चकोरी मिल जाइ...आये..
૪-थाल भरी पूजा को निकली, जनक दुलारी लजाइ. नैन मिले जब मूंदली पलके,
छबी निकसी नहीं जाइ.आये...
૫-सुर सब अंबर देख सु अवसर, फ़ूल कुसुम बरसाइ. दीन "केदार" ये दिलसे
निहारे, जनम मरन मिट जाइ.. आये..
શ્રી રામ અને લક્ષ્મણ જ્યારે મુનિઓના યજ્ઞની રક્ષા ખાતર રાક્ષસોનો નાશ
કરીને ગુરુજી વિશ્વામિત્ર ની સાથે મિથિલા નગર માં પધાર્યા એજ વખતે મિથિલા
નરેશ જનક રાજાની પુત્રી જાનકીજી ના સ્વયંવરની તૈયારી ચાલતી હોવાથી આખા
નગરને શણગારવામાં આવેલ હતું. ગુરૂજી ની આજ્ઞા લઈને બન્ને ભાઈઓ નગર જોવા
નીકળ્યા.
૧-આ ભાઈઓને જોઇ ને નગરજનો એટલાતો પ્રભાવિત થયા કે એક ગૌર વર્ણ {લક્ષ્મણ}
અને એક શ્યામ શરીર વાળા રામ પરથી નજર હટાવી શકતા નથી. એક થોડા ચંચળ લાગે
છે તો બીજા ગંભીર દેખાય છે. કોને જોવા અને કોને ન જોવા એવી વિટંબણામાં
પડી ગયા. કોને પહેલાં જોવા અને કોને પછી જોવા તે ચતુરાઈ ચાલતી નથી.
૨-નગરનાં નર નારી સૌ આ ભાઈઓને જોઇ ને આપમેળે મસ્તક નમાવવા લાગ્યા, એવું
લાગે છે જાણે સૂર્ય અને ચન્દ્ર બન્ને એક સાથે પોતાની પૂર્ણ કળા
પ્રસરાવીને નીકળ્યા હોય.
૩-સીતાજી ની સખીઓ આ બન્ને ભાઈઓને જોઇને પરસ્પર વાતો કરવા લાગી કે આવા
તેજસ્વિ યુવરાજો તો ક્યારેય સ્વપ્નમાં પણ જોયા નથી. અત્યારે સીતાજી ના
લગ્નની તૈયારી ચાલે છે, જો વિધાતા મદદ કરે અને મીથીલા પતી સ્વયંવર ની વાત
છોડીને આ યુવરાજને પસંદ કરી લે, તો તો જાણે ચન્દ્ર અને ચકોરી જેવી જોડી
મળી જાય. કારણ કે, બન્ને કુમારો એટલાં કોમળ છે કે તેઓ ધનુષ્ય ભંગ તો
નહીંજ કરી શકે.
૪-માતા સુનયનાજી ની આજ્ઞાથી સીતાજી ગૌરી પૂજન માટે બાગમાં પુષ્પો લેવા
પધારેલા, એજ વખતે શ્રી રામ અને લક્ષ્મણ પણ ગુરુજી માટે પુષ્પો લેવા
પધાર્યા, અનાયાસ શ્રી રામ અને સીતાજી ના નયનો મળ્યા, એ દ્ગશ્યને જાણે
નયનો માં સદા સમાવી દેવા હોય, ક્યાંક આંખ ખુલ્લિ રહે અને આ અદ્ભુત દ્ગશ્ય
આંખમાંથી સરી ન પડે એ હેતુથી માતાજીએ આંખ બંધ કરી લીધી.
૫-આવો અલૌકિક અવસર જોઇ ને દેવોએ આકાશમાંથી ફૂલોની વર્ષા કરી. કોઈ પણ આ
અલભ્ય દ્ગશ્યનું ખરા દિલથી દર્શન કરે તો જન્મ મરણના ફેરા જરૂર મટીજાય.
નોંધ-આ ભજનમાં મેં પ્રસંગો પ્રમાણે પહેલાં ભૂલથી કડીઓ ઊપર નીચે થયેલ તે
સુધારેલ છે. જો કોઈના ધ્યાને આવે તો આ સુધારેલ કડીઓ પ્રમાણે લેવી.

No comments:

Post a Comment