૧૬૭, સ્વામી નામ સમરણ

૧૯.૬.૨૬

જપતાં સ્વામી નારાયણ નામ અમને પ્યારું લાગે છે

પ્યારું લાગે છે અંતરને આનંદ આપે છે...

સહજાનંદ સ્વામી અલખ આરાધવા, ભક્તિ જ્યોત જલાવે      

ગુણાતીત સ્વામી ગુણથી ભરેલા,  અમીરસ ધાર વહાવે

           માનવનો કરવાને ઉદ્ધાર....અમને

સ્વામી બ્રહ્માનંદ આનંદ સાગર, ભક્તિ રસમાં ભીંજાવે (લાડુદાન ગઢવી)

પ્રેમાનંદ દેવાનંદ સ્વામી,  કવિ ગણ કાવ્ય વહાવે

શ્રોતા મન આનંદ આવે અપાર......અમને

હોય ભલે કોઈ આસ્તિક નાસ્તિક, એકજ માર્ગ બતાવે 

આવે સંગતમાં ભાવે કુભાવે, પ્રેમ પ્રવાહ વહાવે

મૂરખ જન પામે પ્રેમ પ્રસાદ...અમને 

"કેદાર" હરિના ગુણલા ગાતાં, મૂઢ મતી પાર ઊતરતો

આજીવન ભલે એળે વિતાવ્યું, ભવ સાગર તરી જાતો

સંતોની સંગત કરીલે ગમાર....અમને....