પ્રીતમ નો પ્રેમ

પ્રીતમ નો પ્રેમ
ઢાળ- માલકોશ જેવો

પ્રેમ પ્રીતમ ને રિઝાવે
નાણે નજર ના લગાવે...

કરમાબાઇ નો ખીચડો ખાધો, મેવા ગણી ને માવે
એઠાં ફળ અણમોલ ગણી ને, મોહન મુખ પધરાવે..

ભક્ત વિદુર ની ભાજી ખાધી, છોતરાં છબીલો ચાવે
રંક જનો ની રાબડી ખાતો,
પણ-કૌરવ ભોગ ન ભાવે...

ઝેર મીરાં ના પી જનારો,
તાંદુલ મન લલચાવે
સ્નેહ થકી સખુબાઇ બની ને, માર ખાધો બહુ માવે...

સુર તણો સથવારો કરતો,
તુલસી લાડ લડાવે
નરસિંહ કાજે નટખટ નંદન,
વિધ વિધ વેશ બનાવે...

દીન " કેદાર " પર દયા દરશાવો, સેવક શરણે આવે
અંત સમય પ્રભુ અળગાં ન રહેશો, મોહન મુખ પર આવે...

રચયિતા :
કેદારસિંહજી મે. જાડેજા
ગાંધીધામ  -કચ્છ
૯૪૨૬૧૪૦૩૬૫