એક આધાર
એક આધાર તમારો અંબા..
જાણી નિજ બાળ સ્વીકારો,
હવે મારો કે પછી તારો....
મેં પાપ કર્યાં બહુ ભારી,
મતિ મૂંઢ બની’તી મારી
હવે આપો શુદ્ધ વિચારો.....
હું માયા માં છું ફસાયો,
મદ મોહ થકી ભરમાયો
નથી અવર ઊગરવાનો આરો....
મેં શરણ ગ્રહ્યું છે તમારું,
બીજું શું જોર છે મારું
શરણાગત જાણી સ્વીકારો....
તમે અધમ ઉધાર્યા ભારી,
આવી ઘડી આજ છે મારી
કરો મુજ અધમનો ઉદ્ધારો...
માં દીન " કેદાર " ઉગારો,
મુજ પાપ નો ભાર ઉતારો
કરે વિનંતી દાસ તમારો.....
ટિપ્પણીઓ નથી:
ટિપ્પણી પોસ્ટ કરો