૧૬૨, મારી લાડલી

૧૬૨, મારી લાડલી    

૭.૧૨.૨૫.

જ્યારે શરણાઈના સુર સંભળાય, ત્યારે તને યાદ કરું

ઓલા ઢોલ કેરાં ધબકારા થાય, ત્યારે તને યાદ કરું

ગળે વળગીને જ્યારે "ગોટો પોટો" નાચતો, આંગણીયે મારે જ્યારે રંગ ભરી રાચતો

હૈયું મારું હરખે ઘેરાય, ત્યારે તને યાદ કરું

 

ઝીણી ઝીણી ઝાલર વાગે લડ્ડુ ગોપાલની, પ્યારી પ્યારી આરતી ગુંજે પ્યારા "પેંડા"ની

મારી ઢીંગલીની યાદ ઊભરાય, ત્યારે તને યાદ કરું

બન્ને કુટુંબની બેટા મર્યાદા રાખજે, દાંપત્ય જીવનનો અમીરસ ચાખજે

જગમાં વાહ-વાહી તારી થાય, ત્યારે તને યાદ કરું

 

આશિસ કરોડો આ દાદા "કેદાર"ની, સઘળા પરીવાર વહે સરિતા સંતોષની

મારી લાડલીના ગુણલા ગવાય, ત્યારે તને યાદ કરું