ગૌરી નંદ ગણેશ
સાખી-સૌથી પહેલાં સમરીએ, ગિરજા નંદ ગણેશ.
દીન " કેદાર " ની વિનતિ,
રહો હૃદય માં હંમેશ
સાખી-ગણ નાયક ગણ ઈશ તું, ભજે ભક્ત ગણ દેવ.
દીન " કેદાર " દિન દિન ભજે,
કરે તમારી સેવ
સાખી-ગાઉં ગુણલા ગણેશ ના, રટું નિરંતર નામ.
કરો કૃપા " કેદાર " પર,
સમરૂં ઠામો ઠામ
ગૌરી નંદ ગણેશ.
રૂપ તમારું મન હરનારું,
સમરે શેષ સુરેશ...
ભાલ વિશાલ નયનો નાના,
બેઠાં બાળે વેશ
શિવ શંકરજી લાડ લડાવે,
કાપો સઘળા ક્લેશ...
મોદક મિસરી માત જમાડે,
મુખડું નિરખે મહેશ
રિદ્ધિ સિદ્ધિ પાય પખાળે,
વંદે દેવ દિનેશ...
શિવ સનકાદિક અરુ બ્રહ્માજી, પ્રથમ સમરે ગણેશ
દીન " કેદાર " પર દયા દરશાવો, ગાઉ ગુણલા હંમેશ..
No comments:
Post a Comment