મારી કૂડી કરણી
આપ્યો અવતાર આ જગત માં, કરવા ભવ સાગર પાર
માયામાં મન લાગી રહ્યું, એળે ગયો અવતાર...
--------------------------------------------------
પ્રભુજી મારી કરણી રહી નહીં સારી...
કર્મ ધર્મનું કામ કર્યું નહીં, સેવા કરી નહી તમારી...
મોહ માયામાં રહ્યો ભટકતો, વળગી દુનિયાદારી
ભક્તિ માર્ગ પર પગલાં ભર્યા નહીં, યાદ આવ્યાં ન ગીરધારી....
કુટુંબ કબીલા બાળ ગોપાલમાં, ખરચી જીંદગી સારી
ધર્મ ધુરંધર ધ્યાને ચડ્યા નહીં, સંતોની વાણી લાગી ખારી...
યમ રાજાની જાણે આવી નોટિસો, લાગે હવે અંત ની તૈયારી
જીવન સઘળું એળે ખોયું મેં, સમજણ આવી હવે સારી..
અનેક અધમને આપે ઉગાર્યા, હતાં નરાધમ ભારી
અંતર અવાજે ગજને બચાવ્યો, સાંભળો અરજી મારી...
આ સંસાર હવે ભાસે અસાર મને, લાગે જરા બહુ ખારી
દીન "કેદાર"ની અરજી ધરી ઉર, લેજો શરણમાં મોરારી...
સ્વરચિત.
૩૦.૬.૧૯.
ફોટો- ગુગલ ના સહયોગ થી
