Friday, December 31, 2010

માનવ દેહ

માનવ દેહ
માનવ કેરો દેહ મળ્યોછે, ચોરાશી તરવા તને
માયામાં જો મોહી રહ્યો તો, મુક્તિ ક્યારે મળશે તને...

બચપણ મહીં માં બાપની, માયા તને વળગી રહી
ભણ્યો તું ભાવ થી ભેરૂ, ભગવાન ને જાણ્યો નહિં
પછી આવી યુવાની, થઇ ને દીવાની, મદ થકી મળવા તને...

મળ્યા છે માન ને દોલત, મળ્યા નોકર અને ચાકર
નથી દુખી કોઇ વાતે, રહે છે મહેલ માં જાકર
મળ્યું છે મોટું નામ તુજને, ભક્તિ ક્યારે મળશે તને...

થઇ જ્યારે ઉમર તારી, થયો નિવ્રુત તું તન થી
સંસાર કેરા સુખ માં, ચીટકી રહ્યો મનથી
યાદ ન આવી ઇશ કેરી, ભુલી ગયો ભગવાન ને...

અવસર તને આપ્યો હતો, કરવાને ભક્તિ ભાવ થી
સમજી શક્યો નહિં સાન માં, મોકો ગુમાવ્યો હાથ થી
"કેદાર" પારખ કોક નિકળે, જાણી લે જે જગ તાત ને...

Saturday, December 25, 2010

કાળા કાનજી

કાળા કાનજી

ઢાળ-રાગ પ્રભાતિ જેવો

કાનજી કાળા ના કર ચાળા, મતી મૂઝાણી મારી રે..

રામ બની તેં અહલ્યા ઉધ્ધારી, શબરી પાર ઉતારી રે
અસુર નારી તાડકા મારી, ભક્ત રીઝાવ્યા ભારી રે...

એકજ નારી જન હિત કારી, એક વચન વ્રત ધારિ રે
ધોબી ને વચને રાણી સીતાને, કષ્ટ દીધાં બહુ ભારી રે...

ક્રુષ્ણ બની તું કપટ કરે છે, રણ છોડી રણછોડ બને છે
છોગળા ને છળ થી છળે છે, વિપરીત વાણી તારી રે....

જોર કરી જાંબુવતી લાવ્યા, પરળ્યા છો બહુ નારી રે
રાધા સંગે તેં રીત ન પાળી, વિરહ વેઠાવ્યા ભારી રે...

બે માતા ને તારે બે બે પિતાજી, સમજણ આપે ભલે સારી રે
પણ-જન્મ ભોમકા[જેલ] ભાગ ભજાવે, મતી બગાડે તારી રે..

"કેદાર" કપટ એક કાન કરી દે, મુજ પાપી ને પાર કરી દે
જગત બધા ને જાણ કરી દે, તૂં અધમ નો પણ ઉધ્ધારી રે...

Wednesday, December 22, 2010

મોરલી વાળા

મોરલી વાળા

આવો હવે મોરલી વાળા, સં ભવાની વચન વાળા
ભૂમી ભારત ઉગારો, આવો ગિરિધારી આવો...

રાવણ તે'દિ એક જનમ્યો'તો, ગઢ લંકા મોજાર
આજ ઠામો ઠામ રાજ રાવણ ના, કોઇ ન તારણ હાર
વિભીષણ એક ન ભાળું, જામ્યું બધે પાપ નું જાળું..

પેટમાં પોઢીને સાંભળેલી શિવે, રામ લક્ષમણ ની વાત
આજ ન જીજાબાઇ જણાતી, નથી શૂરો કોઇ તાત
ભિડૂં જે ભોમ ની ભાંગે, જાગે રણશિંગા વાગે...

આજ ભામાશા ભાળ ન લેતો, લડે રાણાજી કેમ
ધનવાનો ધન ઉપર બેઠાં, ભોરિંગ કાળા જેમ
લૂટેછે ગરીબ ની મુડી, રાખે નીતિ કુડી કુડી...

હોટલ ક્લબ માં ચડે હિલોળે, ડીસ્કો દેતાં થાપ
નાટક ચેટક નખરા જોતાં, આજના મા ને બાપ
તમાકુની ફાકીયું ફાકે, આમાં-શિવાજી ક્યાંથી પાકે..

આજ જુવાનિ ચડી હિલોળે, અવળો છે ઉતપાત
નારી દેખી નર સીટીઓ મારે, દુર્યોધન ના ભ્રાત
સીતાની શોધ શું થાતી, લાજું જ્યાં રોજ લુટાતી..

લીલા પીળાં લુગડા પહેરે, નહિં પુરૂષ પહેચાન
લટક મટક ચાલ ચાલેને, નચાવે નેણ કમાન
આંખે આંજે કાજળ કાળું, રાખે વાળ જાણે જાળુ..

શરીર જુવો તો સાગ ની સોટી, વળી છે વાંકી કેડ
ખેતર વચ્ચે ચાડિયો ચોંટ્યો, એવો લાગેછે મેળ
ભૂમિ ભારત ની લાજે, ભાળી નિજ બાળ ને આજે..

ખૂરસી માટે ખેલ મંડાણો, કરતા નાગા નાચ
પૈસા ખાતર પંડ ને વેચે, એવા રહ્યા છે સાચ
ભારત ની ભોમકા માથે, આવ્યા સૌ બાથં બાથે..

સંત દુભાતાં શામળો આવે, રાખે ભક્ત ની લાજ
આજ મુનિજન એવા હશે ક્યાં, રીઝાવી લે મહારાજ
ઊતારે રામ ને હેઠો, જુવેછે ત્યાં બેઠો બેઠો..

જન્મ ધર્યો જ્યાં જાદવરાયે, રામ લીધો અવતાર
આજ ભુમિ એ ભિડે પડી છે, આવે લાજ અપાર
રહે શું માતમ તારૂં, લાગે તને કલંક કાળું..

સુણી અરજ સરકાર પધારો, આણો પાપ નો અંત
વણશિંગા આ રાક્ષસ મારી, સ્થાપિદો સઘડે સંત
ગીતાના ગાન વિચારો, પધારો શ્યામ પધારો..

અંત આવ્યો અમ ધીરજ કેરો, સંકટ સહ્યાં ન જાય
આગ લાગી અમ હૈયે હરજી, એકજ છે ઉપાય
કાંતો અવતાર ધરાવો, નહિંતો ના પ્રભૂ કહાવો...

દીન "કેદાર"ના દીન દયાળુ, શાને કરો ઉપહાસ
પ્રલય પાળે જગ બેઠુંછે, નહિં ઉગરવા આશ
પછી અવતાર જો થાશે, તો-તારાં કોણ ગુણલા ગાશે...

નર નારયણ

નર નારયણ

નર નારયણ હોવે,
યા તો કરલે સંત જન સેવા, યા હરિ જન હોવે...

એક અપરાધી પાપી પારધી, [વલીયો લુંટારો] સંત સમાગમ હોવે
છોડ કપટ મહા ગ્રંથ રચાયા, હરિ અનુરાગી હોવે...

બિલ્વમંગલ સુરદાસ કહાવે, જબ નિજ નજરેં ખોવે
રાસ વિહારી રાહ દિખાવે, ઘટ ઘટ દર્શન હોવે...

તુલસીદાસ મન મોહ અનેરા, નારી વશ પત ખોવે
એક શબ્દ મેં સત્ય સમજ કર, સંત શિરોમણિ હોવે...

કમ ક્રોધ મદ છોડદે બંદા, ક્યું માયા વશ હોવે
દીન "કેદાર" હરિ નામ સુમર લે, હોની હો સો હોવે...

Monday, December 20, 2010

રમઝટ

આજે ગાંધીધામ માં રાજ્ય ના મુખ્ય મંત્રી શ્રી નરેન્દ્ર મોદી ના વરદ હસ્તે
જેમની પ્રતિમા નું અનાવરણ કરવામાં આવ્યું તે સ્વ. શ્રી ધીરૂભાઇ શાહ કે
જેઓ ગુજરાત વિધાન સભાના અધ્યક્ષ હતા તેઓના હસ્તે ૧૯૯૧ માં અમારી સોસાયટી
માં નવરાત્રી નુ ભવ્ય આયોજન કરેલું તેમાં મને સન્માનીત કરેલો, એ વખતે મરા
ગુરૂ સમાન કવી શ્રી "દાદ" સાથે પોત પોતા ની રચનાઓ ની ગરબી માં રમઝટ
બોલવેલી તેની યાદ રૂપી આ તસવિરો આજે પણ મારા મનમાં અનેરો રંગ પુરેછે.

આજે ગાંધીધામ માં રાજ્ય ના મુખ્ય મંત્રી શ્રી નરેન્દ્ર મોદી ના વરદ હસ્તે
જેમની પ્રતિમા નું અનાવરણ કરવામાં આવ્યું તે સ્વ. શ્રી ધીરૂભાઇ શાહ કે
જેઓ ગુજરાત વિધાન સભાના અધ્યક્ષ હતા તેઓના હસ્તે ૧૯૯૧ માં અમારી સોસાયટી
માં નવરાત્રી નુ ભવ્ય આયોજન કરેલું તેમાં મને સન્માનીત કરેલો, એ વખતે મરા
ગુરૂ સમાન કવી શ્રી "દાદ" સાથે પોત પોતા ની રચનાઓ ની ગરબી માં રમઝટ
બોલવેલી તેની યાદ રૂપી આ તસવિરો આજે પણ મારા મનમાં અનેરો રંગ પુરેછે.

રમઝટ

આજે ગાંધીધામ માં રાજ્ય ના મુખ્ય મંત્રી શ્રી નરેન્દ્ર મોદી ના વરદ હસ્તે
જેમની પ્રતિમા નું અનાવરણ કરવામાં આવ્યું તે સ્વ. શ્રી ધીરૂભાઇ શાહ કે
જેઓ ગુજરાત વિધાન સભાના અધ્યક્ષ હતા તેઓના હસ્તે ૧૯૯૧ માં અમારી સોસાયટી
માં નવરાત્રી નુ ભવ્ય આયોજન કરેલું તેમાં મને સન્માનીત કરેલો, એ વખતે મરા
ગુરૂ સમાન કવી શ્રી "દાદ" સાથે પોત પોતા ની રચનાઓ ની ગરબી માં રમઝટ
બોલવેલી તેની યાદ રૂપી આ તસવિરો આજે પણ મારા મનમાં અનેરો રંગ પુરેછે.

Friday, December 17, 2010

ધન્ય એની જાત ને

ધન્ય એની જાત ને

જન્મ ધરી જેણે જાદવ જપીયા, ધન્ય એની જાત ને
હરિ ભજન જેને હૈયે રમતું, જપે સદા જે જગ તાત ને...

સુવાડે શ્યામ ને સમરી, કથાજે ક્રુષ્ણ ની કરતી
કરાવે પાન અમ્રુત નું, રટણ નિત રામ નું કરતી
ગળથુથી માં જેણે ગોવિંદ ગવળાવ્યો, વંદન એવી માત ને...

ભણ્યો જે ભાવ થી ભૂધર, રચ્યો નિત રામ માં રહેતો
ન લાગ્યું મનડું માયા માં, કશી ના કામના કરતો
દીન દુખી ને દેતો દિલાશા, સાંભળી એની વાત ને...

કરે નિત સંત ની સેવા, ભળે જે ભક્ત ના ભેળો
ભજન નો ભેખ પહેરી ને, લગાવે નામ નો નેળો
પરજન કેરી પીડ પિછાણી જે, જાણે દુખી નિજ જાત ને...

ન આવે યમ તણા તેડાં, સિધાવે સ્વર્ગ માં સીધો
રહે ના જન્મ ના ફેરા, સફળ અવતાર એ કિધો
"કેદાર" આવા કરમી જનતો, તારીદે સઘળી નાત ને...

ભાજી

ભાજી

ઢાળ- રાગ કાલિંગડા જેવો

ગિરધારી મ્હેર કરી તેં મોરારિ
દીન ગરીબ પર દયા દરશાવી, ભાવી ભાજી મારી...

નવલખ ધેનુ ગૌશાળા શોભાવે, મહી માખણ ના ભંડારી
માતા યશોદા થાળ ધારાવે, નિત નવનીત દે ભારી...

પુરી દ્વારિકા સિને મઢેલી, શોભા શિખર ની હીરલે જડેલી
વાયુ વાદળ વિંઝ્ણો ઢોળે, સેવા કરે તમારી...

દુર્યોધન નું દિલડું દુભાવ્યું, મોટપ મારી વધારી
છળ કપટ છોડી છોતરાં ચાવ્યા, સુલભા સ્નેહ સંભારી...

ભાવ થકી ભગવાન જે રિઝાવે, નેહ ન દેતો નિવારી
દીન "કેદર" પર દયા દરશાવો, મૂખ માં રમજો મોરારી....

કેમ ભરોંસો આવે ?

કેમ ભરોંસો આવે ?

કેમ રે ભરોંસો તારો આવે, દેવકી ના જાયા..કેમ રે...

ખોટાં ખોટાં વચનો તારાં, ખોટા તારા વાયદા
ખોટાં ખોટાં ખેલ કરાવે...

પાંચાળી કેરાં પ્રિતમ, પટ પૂરાં પૂરીયા
ગોપીઓ ના ચીર ને કાં ચોરાવે....

ગીતાના ગ્નાન ગોવિંદ, પાર્થ ને પઢાવીયા
પણ-રણ છોડી રીતો કાં ભુલાવે...

ટિટોડી કેરાં કેશવ, ઇંડા ને ઉગારીયા
પણ-કાળ યવન કપટે કાં મરાવે....

શ્રુસ્ટિ ના સર્જન હારા, હાની મરણ [ટારા] હાથમાં
તો- દ્વારિકા ને દરીયો કાં ડુબાવે...

"કેદાર" કનૈયા તારી, લીલા ને શું જાણશે
મથી મથી મનડા ને મુંઝાવે...

કેમ ભરોંસો આવે ?

કેમ રે ભરોંસો તારો આવે, દેવકી ના જાયા..કેમ રે...

ખોટાં ખોટાં વચનો તારાં, ખોટા તારા વાયદા
ખોટાં ખોટાં ખેલ કરાવે...

પાંચાળી કેરાં પ્રિતમ, પટ પૂરાં પૂરીયા
ગોપીઓ ના ચીર ને કાં ચોરાવે....

ગીતાના ગ્નાન ગોવિંદ, પાર્થ ને પઢાવીયા
પણ-રણ છોડી રીતો કાં ભુલાવે...

ટિટોડી કેરાં કેશવ, ઇંડા ને ઉગારીયા
પણ-કાળ યવન કપટે કાં મરાવે....

શ્રુસ્ટિ ના સર્જન હારા, હાની મરણ [ટારા] હાથમાં
તો- દ્વારિકા ને દરીયો કાં ડુબાવે...

"કેદાર" કનૈયા તારી, લીલા ને શું જાણશે
મથી મથી મનડા ને મુંઝાવે...

શા કામનું ?

શા કામનું ?
જન્મ ધરિ ને કાંઇ ન કિધું, જીવન તારૂં શા કામ નું
હવે દેખિ બુઢાપો કરે બળાપો, હવે સમજ્યે શા કામ નું...

જવાની જોશ માં ગુજરી, નચાવ્યા નાચ નટીઓ ના
કર્યા નાટક અને ચેટક, ન જાણ્યા જાપ જતિઓ ના
મોહ માયા માં જીવન વિતાવ્યું, નામ લીધું નહીં રામ નું...

કરી ના સંત ની સેવા, ગયો નહિં ગ્યાન ને લેવા
ભજન માં ભાગ ના લીધો, મેળવીયા માન ને મેવા
રંક જનો ને ખુબ રંજાડ્યા, ધન સંઘર્યું શા કામ નું...

બનાવ્યા બંગલા મોટા, ભર્યા ભંડાર મોતી ના
હવે-ઊઘાડો એકલો સબડે, પડ્યા સાંસા છે જ્યોતી ના
યમ દુતો જ્યારે દ્વારે દેખાણા, જોખમ લાગ્યું જાન નું...

હવે ના હાથ હાલે છે, શરણાઇ વાગે સ્વાસ ની
સુતો જે સેજ સૈયા પર, પડ્યો પથારી ઘાંસ ની
યાદ આવી હવે ઇશ કેરી, લાધ્યું રટણ શ્રી રામ નું...

હજુ છે હાથ માં બાજી, હરિ હુકમ નું પાનુ છે
સુધારે સામળો સઘડું, ગતી ગોવિંદ ની ન્યારી છે
"કેદાર" હરપલ હરિ જપી લે, સ્મરણ કરી લે શ્યામ નું...

Thursday, December 16, 2010

કેમ ભરોંસો આવે ?

કેમ ભરોંસો આવે ?

કેમ રે ભરોંસો તારો આવે, દેવકી ના જાયા..કેમ રે...

ખોટાં ખોટાં વચનો તારાં, ખોટા તારા વાયદા
ખોટાં ખોટાં ખેલ કરાવે...

પાંચાળી કેરાં પ્રિતમ, પટ પૂરાં પૂરીયા
ગોપીઓ ના ચીર ને કાં ચોરાવે....

ગીતાના ગ્નાન ગોવિંદ, પાર્થ ને પઢાવીયા
પણ-રણ છોડી રીતો કાં ભુલાવે...

ટિટોડી કેરાં કેશવ, ઇંડા ને ઉગારીયા
પણ-કાળ યવન કપટે કાં મરાવે....

શ્રુસ્ટિ ના સર્જન હારા, હાની મરણ [ટારા] હાથમાં
તો- દ્વારિકા ને દરીયો કાં ડુબાવે...

"કેદાર" કનૈયા તારી, લીલા ને શું જાણશે
મથી મથી મનડા ને મુંઝાવે...

Saturday, December 4, 2010




શ્રી ઓમકારેશ્વર મહાદેવ
બાલ્યાવસ્થામાં મારા મોટા બહેન એક પત્થર વડે મેંદી વાટતાં,જે ખોવાઇ જતાં ગોતી લાવવા જીદ કરી પણ ઘણા સમય સુધી ન મળ્યો, અમુક સમય પછી મારા માતુશ્રી ને સ્વપ્ન માં એ જ્યાં પડ્યો છે એ જગ્યા જણાઇ, આસ્ચર્ય સાથે શોધી ને સાફ કરતાં તેમાં “—” જેવી આક્રુતી જણાતાં અને ધ્યાનથી સફાઇ કરતાં વધારે આક્રુતી ના દર્શન થતાં યોગ્ય જગ્યાપર ભાવથી પધરામણી કરી અને શ્રી ઓમકારેશ્વર નામ રાખ્યું, આજે એમાં અનેક “—” કાર દેખાય છે, આપ પણ આ ચિત્રમાં દર્શન કરી શકતાહશો.

અવસર

-સાખીઓ-
રાખ ભરોંસો રામ પર, કરશે તારાં કામ
હેતે ભજી લો રામ ને, એકજ છે સુખ ધમ

પલ પલ ભજી લે રામ ને, એકજ છે સુખ ધામ
સઘળાં કાર્ય સુધારશે, કંચન કરશે કાયા

રામ રામ બસ રામ જપ, રામ જપ બસ રામ
શિદ ને સડે સંસાર માં, મિથ્યા જગત નું કામ..

અવસર
ઢાળ:- કાફી જેવો

અવસર આ અણમોલ મલ્યો છે, ભજી લે ને ભગવાન ને
જાણ નથી ક્યારે જમડા આવે, સેવીલે સુંદિર શ્યામને...

માતા તણા ઉદર નહીં ભગવાન ને ભજતો હતો
કિધો ભરોંસો ભૂધરે, અવતાર તુજ આપ્યો હતો
અરવશ જાણી માને પ્રેમ આપ્યો, સમજી લે જે તારી સાન ને...

ભૂખ્યો ન રાખે ભગાવંત તને, સોંપીદો સઘડું શ્યામ ને
રાખો ભરોંસો રામ પર, કરવાદો સૌ કિરતાર ને
જેણે બનાવ્યો એજ જીવાડે, ગાવ એના ગૂણ ગાન ને...

આપેલ સઘળું ઇશ નું, માનવ થકી મળશે નહિં
મોકો ન ભુલજે માનવી, જીવન આ જડશે નહિં
મહેર પામો માધવ કેરી, રટીલો રાધે શ્યામ ને...

પલ પલ રટણ કર રામનું, માળા મોહન ના નામ ની
ભજી લે ભાવથી ભૂધર, કળા એકજ આ કામ ની
દીન "કેદાર" પર દયા દરશાવો, ભાળું અંતે ભગવાન ને...

Friday, December 3, 2010

અમુલ્ય અવતાર

અમુલ્ય અવતાર

આપ્યો અવતાર અમૂલ્ય ઘણો, મને માનવ કેરો દેહ મળ્યો
ઉપકાર અનેરો આપ તણો, મને નારાયણ નો નેહ મળ્યો...

મને યાદ ન આવે આજ જરી, મેં કેમ ચોરાશી પાર કરી
પણ એક અરજ સરકાર ખરી, મને મુક્ત થવા નો માર્ગ મળ્યો...

સંસાર અસાર છે ધ્યાન રહે, મારા ચિત માં ગીતા નું ગ્યાન રહે
સદા મન માં હરિ નું સ્થાન રહે, મને ગોવિંદ ગૂણ રસ લાગે ગળ્યો...

મને અમ્રુત આપો વાણી માં, હવે જાય ના જીવન પાણી માં
હું ભાળું હરિ હર પ્રાણી માં, મને ક્રુષ્ણ ક્રૂપાલુ ત્યાં જાય કળ્યો....

તને એક અરજ કિરતાર કરૂં, ભજતાં ભૂધર ભવ પાર કરૂં
ગદ ગદ થઇ ગિરિધર ગાન કરૂં, મને લાલ રિઝવવા નો લાગ મળ્યો...

પ્રભૂ દીન "કેદાર" ની વાત સુણી, હરિ રાખો મુજ પર મ્હેર કુણી
હું તો રોમે રોમ છું તારો રૂણી, થોડું રૂણ ચુકવવા નો મોકો મળ્યો...

Thursday, December 2, 2010

પ્રાર્થના

પ્રાર્થના

ઢાળ:- મારો હાથ જાલીને લઇ જશે...જેવો

મને આપજે મહેતલ પ્રભુ, સંસાર માં થોડા શ્વાસ ની
કરી ને હજુ કર તવ ભણી, આરાધના કરૂં આપની...

આવી ને યમ દળ આંગણે, ઓઢાળે દર્દો ની ઓઢણી
સમજાવે સઘળું સાનમાં, સેવા કરી શિ ઘનશ્યામ ની...

મને ડર નથી કંઇ મોત નો, પણ બીક છે યમરાજ ની
પકડી ને મુજને પૂછસે, રટણા કરી શિ રામ ની...

જો તું રાખ આશા અમ કને, સદા પ્રાર્થીએં પ્રભુ આપને
તો સંભાળ રાખો શામળા, તારા ભક્ત ના સૌ ભાર ની...

સદા સ્મરણ હો સરકાર નું, એ છે એક અરજ "કેદાર" ની
બસ એટલી છે અભ્યર્થ ના, કરૂં પ્રાર્થના સદા આપની...

ભાવ ભજન

ભાવ ભજન

ઢાળ: રાગ ભૈરવી જેવો

ભજન જો ભાવ સે હોતા, ભૂધર કો ભી મિલાતા હૈ
ન આતે હેં જો ખ્વાબો મેં, વો માધવ દૌડ આતા હૈ...

મીરાં કે મન બસ ગયા મોહન, નાચ દીખાયા નટવર કો
સમા ગઇ વો મૂખ મંડલ મેં, પ્રભૂ પ્રેમે પચાતા હૈ...

ભિખારી જબ ભિખ કે ખાતિર, ધૂન મચાએ માધવ કિ
કરે ક્રુપા ના કણ કિ ક્રુપાલુ, કૌવે કો ખૂદ ખિલાતા હૈ...

ગજ ને જીવન વ્યર્થ ગંવાયા, અંત ઘડી હરિ શરને આયા
પ્રેમ પિછાની પ્રિતમ ધાયા, પલક મેં ચક્ર ચલાતા હૈ...

રાવન જાને રિપૂ રઘુવર કો, પર- શરન લગાતા મન મરકટ કો
અંત સમય પ્રભુ બાન વ્હલાકે, જીવન સે મોક્ષ દિલાતા હૈ...

ચેત ચેત નર રામ રતિલે, પ્રભુ ભજન કિ પ્યાલી ભરલે
દીન "કેદાર" હરિ નામ સુમર લે, આભય પદ આપ દિલાતા હૈ...

Wednesday, December 1, 2010

પ્રિતમ નો પ્રેમ

પ્રિતમ નો પ્રેમ

ઢાળ- માલકોંસ જેવો

પ્રેમ પ્રિતમ ને રીઝાવે
નાણે નઝર ના લગાવે...

કરમાબાઇ નો ખીચડો ખાધો, મેવા ગણી ને માવે
એઠાં ફળ અણમોલ ગણી ને, મોહન મૂખ પધરાવે..

ભક્ત વિદુર ની ભાજી ખાધી, છોતરાં છબીલો ચાવે
રંક જનો ની રાબડિ ખાતો, પણ-કૌરવ ભોગ ન ભાવે...

ઝહેર મીરાં ના પી જાનારો, તાંદુલ મન લલચાવે
સ્નેહ થકી સખુબાઇ બની ને, માર ખાધો બહુ માવે...

સુર તણો સથવારો કરતો, તુલસી લાડ લડાવે
નરસિંહ કાજે નટખટ નંદન, વિધ વિધ વેશ બનાવે...

દીન "કેદાર" પર દયા દરશાવો, સેવક શરણે આવે
અંત સમય પ્રભુ અળગા ન રહેજો, મોહન મુખ પર આવે...

Monday, November 29, 2010

માળા જપી લે

માળા જપી લે

જપી લે જપી લે માળા હરિ હર ના નામ ની
હરિ વિના કોણ ઉતારે ગઠડી તારા ભાર ની...

જનમી જગત માં આવ્યો, ચોરાશી ફરી ને
અવસર ના મળસે આવો, ફરી રે ફરી ને
જગત ની છે માયા જૂઠી, નથી કોઇ કામ ની..

આરે સંસાર કેરૂં, સૂખ નથી સાચું
માયાના બંધના ખોટાં, જીવન છે ટાંચુ
ભજીલે ભજીલે ભૂધર, રટણા કર રામ ની...

સોના રૂપા ને હીરલા, સંઘર્યે શું થાશે
કોને ખબર છે ક્યારે, આતમ ઊડી જાશે
પૈસા ની ભરેલી પેટી, પડી રહેવા ની...

માટે-સ્વાસે સ્વાસે સ્મરણ કરી લે, પલ પલ ભજ રામ ને
જીવન ની ઝંઝટ સઘળી, સોંપી દો શ્યામ ને
ખટપટ તું ખોટી ના કર, મોભા કે માન ની...

"કેદાર" કરૂણા નો સાગર, આવે જો ઉર માં
મહેકે જીવન ની વાડી, આનંદ ભરપુર માં
ફરૂકે ધજાયું તારી, ભક્તિ કેરા ભાવ ની..

Sunday, November 28, 2010

શ્રાધ્ધ પ્રસંગ

શ્રાધ્ધ પ્રસંગ
ઢાળ:- કીડી બાઇ ની જાન નો

આવ્યો સમય આજે શ્રાધ્ધ નો રે કરે નરશી વિચાર
મેણા મોટા ભાઇ મારતા, આપે કસ્ટો અપાર
કરવું પિતાનું મારે શ્રાધ્ધ છે...

પાંચ બ્રાહ્મણ ને બોલાવશું રે, સંગે ગોર પરીવાર
વાળી વેચી ને સિધૂ લાવશું, સાથ દેસે સરકાર
મોટો દ્વારીકા નો નાથ છે...

લાવ્યા સિધું સૌ સાથમાં રે, ઘી નહિં ઘરમાં લગાર
આપો ઊધારે આટલું, કરે નરસિ પોકાર
દેવા મારેતો પછી દામ છે...

મારે મહેતાને નાગર મેણલા રે, આજ આનંદ અપાર
આવે તેડાં જો આપના, જાવું ભક્ત કેરે દ્વાર
લેવો પ્રભૂ નો પરસાદ છે...

બોલ્યા મહેતાજી ત્યારે ભાવમાં રે, સકળ નાગર સંગાથ
આવો અમારે આંગણે, લેશું ભોજન સૌ સાથ
સાચી પ્રભૂજી ની મ્હેર છે...

નાગર કરેછે ઠ્ઠા ઠેકડિ રે, સુણી નરસિ ની વાત
સાત માણસ નું સીધું નથી, કહે જમાડું હું નાત
વાતો કરવામાં હોંશીયાર છે..

સાચો વહેવાર વંશીધરે રે, નથી નરસિ નું કામ
કેવાં ભોજન ને કેવી વાત છે, ક્યાં છે દમડી કે દામ
ફોગટ ફુલણશી ફુલાય છે...

મળ્યો મહેતા ને એક માલમી રે, આપું ઘી ના ભંડાર
દામ ન હોય દામોદર ભજો, એજ સાચા કલદાર
પછી-નરસિ નરાયણ ગાય છે...

સાદ સૂણીને જાગ્યો જાદવો રે, કિધાં સૌને ફરમાન
ભક્ત મારો ભજને ચડ્યો, નહિં રહે હવે ભાન
જાવું મહેતાજી ને દ્વાર છે...

નાગર બનીને વ્હાલો આવીયા રે, આવ્યા જુનાગઢ મોજાર
શોભે છે રૂપ નરસિ તણું, હૈયે હરખ ન અપાર
કરવાં સેવક ના મારે કામ છે...

કાન ટોપી ધરિ ભૂધરે રે, હાથ લીધી કરતાલ
ભાલે તિલક અતિ શોભતું, સંગે તંબુર નો તાલ
ગોવિંદ ગોવિંદ ના ગુણ ગાય છે..

ગોર બાપા બેઠા રૂસણે રે, નહિં આવું તારે દ્વાર
કોડીનું દાન કરતો નથી, ખોટો તારો વહેવાર
વંશીધર સાચા યજમાન છે...

વિપ્ર બોલાવ્યો એક વિટ્ઠલે રે, નહિં જાણે કોઇ જાપ
પામ્યો મહેર માધવ તણી, મુખે મંત્રો અમાપ
વાણી વેદો ની જાણે ખાણ છે...

પોઠું આવી કોઇ ભાત ની રે, સંગે સાજ શણગાર
સેવક આવ્યા સૌ સાથમાં, પૂછે નરસિ ના દ્વાર
ક્યાં મહેતાજી ના મહેલ છે...

નાગર લાગ્યા સૌ જાણવા રે, ક્યાંથી આવ્યા કયું કામ
કોના સેવક ને કોના દાસ છો, શુંછે માલિક નું નામ
કેવું નરસૈયા કેરૂં કામ છે...

હરિપૂર વાસી હરજીવન, રાખે મહેતા ના માન
જાણી પ્રસંગ આજે શ્રાધ્ધ નો, એણે કિધાં ફરમાન
કરવાં મહેતાજી ના કામ છે...

નાગર બેઠાં સૌ ચીતવે રે, કિધો મોટેરો માર
ભીખ મંગાને શાની ભીડ છે, ક્યાં છે વળતો વહેવાર
નથી કંઇ લાજ કે સર્મ છે...

દ્વારે આવી ને કરે ડોકીયા રે, દિઠાં પિત્રુ પરિવાર
ભાવે ભોજન આરોગતાં, આપે આશિષ અપાર
બોલે નરસિનો જય કાર છે...

વિધ વિધ જાત ની વાનગી રે, જેની ફોરમ ફેલાય
નાગર લાગ્યા સૌ નાચવા, લ્હાવો છોડ્યો નહિં જાય
જમવું મહેતાજી ને ધામ છે...

સઘળાં કૂટુંબ સંગે આવીયા રે, નાગર નરસિ ને દ્વાર
સોના બાજોઠ બીછાવીયા, આપ્યાં સુંદર શણગાર
હીરા મોતી થી ભર્યા થાળ છે...

ભાવતાં ભોજન આવતાં રે, આવ્યાં મેવા મોહનઠાર
ખાધું પિધું ને ભાતું ભર્યું, બોલે નરસિ જયકાર
ધન્ય મહેતાજી તારી સેવ છે...

સોના રૂપા ના દાન દેવાણા, નથી પૈસા નો પાર
કૂળના ગોર ને રીઝાવીયાં, આપ્યાં અઢળક ઊપહાર
પછી-દામોદર દામાકૂંડે જાય છે...

આવ્યા નરસિ જ્યારે આંગણે રે, વાત જાણી વિસ્તાર
કિધી અરજ ક્રૂપાલને, કરો કરૂણા કિરતાર
શાને-ભૂખ્યા ભગવાન ને ભક્ત છે...

આવ્યા દામોદર દોડતાં રે, રાધા રૂક્ષમણા સંગાથ
ભાવે થી ભક્ત ને જમાડીયા, જમે દ્વારીકા નો નાથ
ભક્ત વત્સલ ભગવાન છે...

કરે ભરોંસો જે કાન નો રે, ગીત ગોવિંદ ના ગાય
કાર્ય સૂધારે એના શામળો, વાસ વૈકુંઠ માં થાય
"કેદાર" ગુણ ગાન એના ગાય છે...

Friday, November 26, 2010

શ્રી ઓમકારેશ્વર મહાદેવ

શ્રી ઓમકારેશ્વર મહાદેવ
બાલ્યાવસ્થામાં મારા મોટા બહેન એક પત્થર વડે મેંદી વાટતાં,જે ખોવાઇ જતાં
ગોતી લાવવા જીદ કરી પણ ઘણા સમય સુધી ન મળ્યો, અમુક સમય પછી મારા માતુશ્રી
ને સ્વપ્ન માં એ જ્યાં પડ્યો છે એ જગ્યા જણાઇ, આસ્ચર્ય સાથે શોધી ને સાફ
કરતાં તેમાં "—" જેવી આક્રુતી જણાતાં અને ધ્યાનથી સફાઇ કરતાં વધારે
આક્રુતી ના દર્શન થતાં યોગ્ય જગ્યાપર ભાવથી પધરામણી કરી અને શ્રી
ઓમકારેશ્વર નામ રાખ્યું, આજે એમાં અનેક "—" કાર દેખાય છે, આપ પણ આ
ચિત્રમાં દર્શન કરી શકતાહશો.

Thursday, November 25, 2010

ગોવિંદ ગાન

પુ.મોરારી બાપુ ની કથામાં પહેલાં એક ધુન શાંભળવામળતી, જેના બોલ
હતા.ગોવિંદ કે ગુન ગાયે જા ઔર પંથ તેરા બઢાયે જા
વો ખૂદ હી મિલને આયેગા, તું બંદગી કો નિભાયે જા...આ બે જ લાઇન શાંભળીને
તેને પુર્ણ કરવાની ઇચ્છા થતી, તેથી એજ ઢાળમાં મે મારી રીતે એક રચના
બનાવી, જે નિચે મુજબ છે.

ગોવિંદ ગાન

ગોવિંદ કે ગુન ગાયે જા,માલા મોહન કી ફિરાયે જા
સંસાર સે મૂખ મોડલે, ઔર હરિ શરન મેં લગાયેજા...

માનુજ તન તુજકો દિયા, તેરા સભી જિમ્મા લિયા
તુજે મોક્ષ કા મૌકા દિયા, તું અમર પદ કો પાયે જા...

દિ હે તુજે શુભ જિંદગી, કરને પ્રભુ કિ બંદગી
પી લે હરિ રસ પ્યારસે, ઔરોં કો ભી તું પિલાયે જા...

હરદમ હરિ કા જાપ કર, માયાકો મનસે ત્યાગ કર
અપના સફ઼્અલ અવતાર કર, જીવન મરન કો મિટાયે જા..

દીન કે તું દીનેશ હે, ઔર સુર કે તું સુરેશ હે
તો "કેદાર" કૈસે દૂર હે, અપને શરન મેં બિઠાયે જા

Wednesday, November 24, 2010

આનંદ

આનંદ

મને અનહદ આનંદ આવે, હરિને હૈયે હેત કેવું આવે..

સેવક કાજે સરવે સરવા, વિધ વિધ રૂપ ધરાવે
પણ પોતાનું જાય ભલે પણ, ભક્ત ની લાજ બચાવે...

પિતા પ્રભુના પાવળુ પાણી, પુત્ર ના હાથે ન પામે
પણ- અધમ કૂળ નો જોયો જટાયુ, જેની ચિત્તા રામજી ચેતાવે...

ભીષ્મ પિતામ: ભક્ત ભૂધરના, પણ પ્રિતમ એનું પાળે
કરમાં રથ નું ચક્ર ગ્રહતાં, લેશ ન લાજ લગાવે..

સખૂ કાજે સખૂ બાઇ બની ને, માર ખાધો બહુ માવે
ભક્ત વિદુર ની ઝુંપડી એ જઇ, છબીલો છોતરાં ચાવે...

નરસિ કાજે નટખટ નંદન, વણિક નો વેશ બનાવે
હૂંડિ હરજી હાથ ધરિને, લાલો લાજ બચાવે..

ગજને માટે ગરુડ ચડે ને, બચ્ચા બિલાડી ના બચાવે
ટિટોડી ના ઇંડા ઊગારી, "કેદાર" ભરોંસો કરાવે...

Monday, November 22, 2010

રામની મરજી

રામની મરજી

મરજી રામની સાચી
શાને ધરે તું હું પદ હૈયે, કરણી બધી તારી કાચી...

મનવ જાણે હું મહેલ બનાવું, ટાંક ન રાખું કોઇ ટાંચી
અવિનાશી ના એક ઝપાટે, એમાં ભટકે ભૂત પિસાચી...

નારદ જેવા સંત જનોને, નારી નયને નાચી
માનુની બદલે મુખ મરકટ નું, સૂરત દેખાણી સાચી...

હરણાકંસ નો હરખ ન માતો, લેખ વિધિ નાં વાંચી
નરસિંહ રૂપ ધર્યું નારાયણ, કાયા કપાણી એની કાચી...

ભસ્માસુરે ભગવાન રીઝાવ્યા, જગપતી લીધા એણે જાંચિ
મોહિની કેરો મર્મ ન જાણ્યો, નિજને જલાવ્યો નાચિ...

દીન "કેદાર" પર કરૂણા કરજો, સમજણ આપો મને સાચિ
અવધ પતિ મને અળગો ન કરજો, રામ રહે દિલ રાચિ...

Sunday, November 21, 2010

મારો ટુંકો પરીચય,

મારો ટુંકો પરીચય,
મુળ ગામ ગોલીટા,તા.ધ્રોલ, જી.જામનગર,ઉમર ૬૫, ઓટોમોબાઇલ
એન્જીનીયર,પ્રાઇવેટ કુ.માં નોકરી ચાલુ, ભક્તિ ભાવ ભર્યું ઘર અને દેવી
સ્વારુપી મા,ગુરુ સમાન "કૈલાસ કે નિવાસી""કળજા કેરો કટકો" જેવા ગીતો/ભજનો
ના રચનાર કવી શ્રી "દાદ",નારાયણ સ્વામીજી ના આશિર્વાદ, બોલાવે,ભજનો
ગવડાવે,માર્ગ દર્શન આપે,બાપુ સીવાય બિજા કોઇએ મારા રચેલા ભજનો ખાસ
પ્રખ્યાત નથી, (kirtidan gadhavi e vdo cd ma aaj bhajan lidhelu chhe,
pan adhuru chhe.net no bahu anubhav na hovathi gujarati font ahi
shodhi shakyo nathi.) ભજનો/ગરબા ની રચના ઉપર વાળા ની દયાથી થાય છે."દીન
વાણી" નામે મારી રચનાઓ વિના મુલ્યે વિતરીત કરી છે.બીજી આવ્રુતી તૈયાર
થવામાં છે.

શિવ ની સમાધી

શિવ ની સમાધી

મારી સરવે સમજ થી પરે, આ ભોળા શંભુ કોની રે સમધી ધરે..

સ્થંભ બની બ્રહ્મા વિષ્ણુના, મદ ને મહેશ હરે
દેવાધી દેવ મહા દેવ છે મોટા, કોણ છે એની ઉપરે...

દેવી ભવાની જનની જગતની, ગુણપતિ ગુણ થી ભરે
કાર્તિક કેરી કીર્તિ સવાઇ, નવખંડ નમનું કરે...

સિંહ મયુર ને મુષ્ક મજાનો, નંદી કચ્છ્પ કને
ભુત પિશચ છે ભક્તો તમારા, ભભૂત ભંડાર ભરે...

નારદ શારદ ઋષિગણ સઘડા, કોટી કોટી દેવો ઉચરે
સ્વપ્ન મહીં પણ શિવજી મળે તો, ધન્ય ધન્ય જીવન કરે...

મ્રુત્યુંજય પ્રભુ છે જન્મેજય, સમર્યે સહાય કરે
"કેદર" કહે ના ધારીછે સમાધી, એતો ભક્તના રદય માં ફરે..

Thursday, November 18, 2010

કાલ કોને દીઠી છે ?

કાલ કોને દીઠી છે ?

કરીલે આજ ની વાત, જોજે ન કાલની વાટ
કાલ કોને દીઠી છે...

લખ ચોરાશી પાર ઉતરવા, અવસર આવ્યો આજ
ક્રુપા કરી કરૂણાકરે આપી, મોંઘી માનવ જાત...

જીવડો જાણે હું મોજું કરી લંવ,પછી ભજન ની વાત
અધવચ્ચે આવી અટવાતો, ખાત યમ ની લાત...

પિતા પ્રભુનાએ કાલ પર રાખી, રામના રજ્ય ની વાત
ચૌદ વરસ માં કૈક કપાણા, કૈકે ખાધી મ્હાત...

કાલ ન કરતાં આજ ભજીલે, બાજી છે તારે હાથ
ખબર નથી ક્યારે ખોળીયું પડશે, કોન દિવસ કઇ રાત..

આ સંસાર અસાર છે જીવડા, સાચો જગનો તાત
ભવ સાગર નું ભાતું ભરી લે, ભજીલે તજી ઉતપાત...

દીન"કેદાર"નો દીન દયાળુ, કરે ક્રુપા જો કિરતાર
એક પલક માં પાર ઉતારે, વસમી ન લાગે વાટ..

Wednesday, November 17, 2010

હરિના કપટ

હરિના કપટ

કપટ કેવાં હરિ કરતો, બહાના દઇ ને લીલા ના
કરાવે કર્મ સૌ પોતે, વળી હિસાબ દેવા ના...

સભામાં જઇ ને પાંડુ ની, બચાવી લાજ અબળા ની
છુપાઇ ને લત્તાઓ માં, છે ચોર્યા ચિર ગોપી ના...

અધીક આપે તું પાપી ને, મહેલો માન મોટર ના
ભગત જન ભ્રમીત થઇ ભટકે, નથી કોઇ સ્થાન રહેવા ના...

મહા કાયોને પણ મળતાં, ઉદર ભરવાને આહારો
નથી મળતાં કંઇક જન ને, ભરીને પેટ ખાવા ના...

વિછણ ને વ્હાલ ઉપજાવ્યું, ખપાવે ખૂદને વંશજ પર
પ્રસુતા સ્વાન ને ભાળ્યું, ભરખતાં બાળ પોતાના...

રંજાડે રંક જનને કાં, બતાવી બીક કર્મો ની
નથી હલતાં કોઇ પત્તાં, જો તારી મરજી વિનાના..

દયા "કેદાર" પર રાખી, ના કરજો કૂડ મારામાં
ગુજારૂં હું જીવન મારૂં, પ્રભુ તુજ ગાન કરવામાં...

--સાખી--

ઘણાં કળીયુગ ના કાન્હા, કરેછે કામ ચોરી ના
મોહનજી ચોરતાં માખણ, હવેના દાણ ચોરે છે..

ઘણા કળીયુગ ના કાન્હા, કરેછે કામ રમણગર નૂં
રમાડ્યા રાસ છે કાન્હે, હવે નટીઓ નચાવેછે..

વિરહીણી

ઢાળ-કાળજા કેરો કટકો મારો ગાંઠ્થી છુટી ગ્યો, જેવો
વિરહીણી

એક દિ' રજની રડવા લાગી, ચાંદની પાંસે જઇ
ઘોર અંધારાં ખુબ ઉલેચ્યા, પણ- ભાનુ ને ભાળ્યો નઇ...

સાંભળ્યું છે મેં સાહ્યબો મારો, સોનલા રથડો લઇ
જગ બધાને દે અજવાળું, હુંજ અંધારી રઇ...

રોજ સજાવું આંગણુ મારૂં, આકાશ ગંગા લઇ
તારા મંડળ ના સાથિયા પુરૂં, તોય ડોકાણો નઇ...

દુખીયારી એવો દિન ન ભાળ્યો, કે સુરજ સાથે રઇ
વદ્ગે ઘટે પણ વ્હાલમો તારો, તને-વેગળી રાખે નઇ...

એક અમાસે અળગો રહે ત્યાં, હાંફળો ફાફળો થઇ
આગલી સાંજે દોડતો આવે, કેળથી બેવળ થઇ...

હારી થાકીને સાહેલી સાથે, સોમ ને શરણે ગઇ
આશરો લઇ ને આંખમાં એની, કાજળ થઇ ને રઇ...

આભ તણી અટારીએ બેઠી, ઓલી "કેદાર" કાળી જઇ
અરૂણોદય ની આશ જાગી ત્યાં, આખીએ ઓગળી ગઇ

શું માંગુ ?

શું માંગુ ?

હવે પ્રભુ શું માંગુ કિરતાર જી
હરિ તેંતો આપ્યું અપરમપાર...

મ્હેર કરીને માનવ કૂળ્માં આપ્યો તેં અવતારજી
પોષણ કાજે પ્રભુ તેં આપ્યું, અન્ન અન્ન દાતાર..

જલતેં આપ્યું સ્થલ તેં આપ્યું વસુનોકેવો વેપારજી
મેઘ રાજાની મહેર આપી તેં, વાયુનો રૂડો વહેવાર...

મુખ દીધું તેં માનવી ને પણ એમાંએ ઉપકારજી
વાણી આપી વનમાળી તેં, રીઝ્વવા કિરતાર...

કીડી નો કરતા હાથી નો ભર્તા વિશ્વેશ્વર તું વિરાટ જી
મુજ ગરીબની ગરજ કેટલી, શાને કરૂં હું ઉચાટ..

એક અરજી સાંભળ હરજી આ દીન ની દીન"કેદાર"જી
હરપલ હર ક્ષ્ણ હરિ ભજી લંવ, એટલો કર ઉપકાર...

"હું" કાર

"હું" કાર
ઢાળ-તું રંગાઇ જાને રંગ માં જેવો.


વાયુ અગન આકાશ ને માટી ચપટી ચાર
બિંદુ જળ થી તું બન્યો, આમાં ક્યાં "હું" નો વિસ્તાર..

શાને ધરે હુંકાર તું ધનનો,
ખબર નથી ક્યારે ખોળિયું પડશે, નાશ થશે તુજ તન નો..

અવિનાશી ની અધિક ક્રુપા થી, માનવ દેહ મળ્યોછે તને..
આવ્યાં જેને જેને યમના તેડાં, જઇ ભભૂત માં ભળ્યો છે..
હિસાબ દેવો પડસે ત્યારે, સારા નરસા કરમ નો......શાને..

કોઇને ચિત્તા મળે ચંદન ની, કોઇ બળે બાવળીયે..
જાવું અંતે અંગ ઉઘાડે, જણ્યો જેવો માવડિએ
સગા સ્નેહી સૌ સંગે ચાલે પણ, નાતો દેહ દહન નો..શાને..

માટે-સ્વાસે સ્વાસે સ્મરણ કરી લે, હરદમ જાપ હરિનો..
સમય પારખ પામર પ્રાણી, નહિં વિસવાસ ઘડી નો..
છોડ કપટ કિરતાર ભજીલે, રાખીલે નાતો નમન નો..શાને..

અવસર જો આ ગયો હાથથી, મૂલ ચુકવવા પડસે એના..
જનમ જનમ ના ફેરા માં જીવ, જઇ ચકડોળે ચડસે..
"કેદાર"કરીલે પૂજા એવી, પ્રેમ રહે પ્રિતમ નો....

ભક્ત બોડાણો

ભક્ત બોડાણો
ઢાળ:- કીડી બાઇ ની જાન જેવો

ભક્ત ઉધારણ ભૂધરો રે, રાખે ભક્તો ની નેમ
પણ બધએ એના પાળતો, રાખે બાળક ની જેમ
ભોળા ભક્તો નો ભગવાના છે..

ડાકોરે વસે એક દૂબળો રે, જેણે રાખેલી ટેક
પૂનમે દ્વારીકા આવતો, નહિં કરતો મિનમેખ
દર્શન કરવાની એને નેમ છે..

ઘણા વખત ના વાણા વાયા, નહિં તોડેલી ટેક
પણ-શરીર સૂકાણું સમય જતાં, ખૂટ્યાં મનના આવેગ
પહોંચી જરાની હવે પિડ છે..

આવતી પૂનમે કેમ પહોંચાસે, લાગે છેલ્લિ છે ખેપ
સાંભળો અરજ મારી શામળા, કરૂં વિનંતી હરિ એક
તારે ભરોંસે મારી નાવ છે...

કાયા મારી શા કામની રે, જો ના પણ ને પળાય
દેહ પડે જો તારે દેવળે, માન મારું રહી જાય
દોરી તમારે હાથછે..

દોડી દામોદર આવીયાં રે, જાલ્યો બોડાણા નો હાથ
રહું સદા તારા સંગ માં, કદી છોડૂં નહિં સાથ
ભક્ત થકી ભગવાન છે..

ઠાકોર ચાલ્યાં સંગમાં રે, બેસી બોડાણા ની સાથ
ગુગળી ગામમાં ગોતતા, ક્યાંછે દ્વારીકા નો નાથ
નક્કિ બોડાણાનો હાથ છે...

વાર ચડી જાણી વિઠ્ઠલે રે, કિધી બોડાણાને વાત
મૂકિદે મુજને વાવમાં, પછી આવેછે રાત
તારો ને મારો સંગ છે..

ગોતિ ગોતિ ને ગયા ગુગળી રે, નહિં મળીયા મહારાજ
ઠાકોર પહોંચ્યા ડાકોર માં, રહ્યાં બોડાણા ને કાજ
છોડ્યા સૌ રાજ ને પાટ છે..

જાણી સૌ ગુગળી આવીયાં રે, આવ્યાં ડાકોર મોજાર
આપો અમારો ભૂધરો, કીધાં આવી પોકાર
બોડાણો દ્વારીકા નો ચોર છે..

નથી હું ચોર કે નથી ધુતારો, પાળ્યો પ્રભુનો આદેશ
કહ્યું કાનુડાનું મેં કર્યું, ગુનો મારો નહિં લેશ
ખોટું તમારૂં આળ છે..

જાણી બોડાણાને દૂબળો રે, રાખે ગુગળી વિચાર
હરિ બરાબર હેમ દ્યો, તોજ તારો કિરતાર
પ્રભુ ભજવાની જો હામ છે..

કહે કાનુડો કાનમાં રે, રાખ વાળી સંગાથ
તુલસી નું પાન પધરાવજે, નહિં નમે તારો નાથ
તારી તે લાજ મારે હાથ છે..

તુલે તુલ્લાની ભાળ મંડાણી, નથી નમતું આમાં કોય
ગુગળી પડ્યા હરિ પાય માં, પ્રભુ છોડું નહિં તોય
એક તમારો આધાર છે..

એક પુજામાં આવું દ્વારીકા, એક ડાકોર મોઝાર
આપ્યું વચન વનમાળીએ, ગૂણ ગાતો "કેદાર"
ધન્ય બોડાણા તારી ટેક છે..

એટલું માંગુ.

એટલું માંગુ.

ઢાળ:- ભેરવી જેવો..

વ્હાલજી હું એટ્લું માંગી લંવ
તારા ચરણ કમળ માં રંવ..

આ સંસાર અસાર છે કેછે પણ, હું કેમ માની લંવ
હરિનું બનાવેલું હોય મજાનું, એને સમજી લંવ..

મુક્તિ કેરો મોહ નથી ભલે, અવીરત જનમો લંવ
પણ ભવે ભવે હું માનવ થઇ ને, ગોવિંદ ગાતો રંવ..

બાલા વય માં બ્રહ્મ ના વિસારૂં, ક્રિશ્ન લીલા રસ લંવ
યૌવન આવ્યે મોહ ના આંબે, નિસ્કામી થઇ રંવ...

દીન "કેદાર"ની એકજ અરજી, તારી નઝર માં રંવ
સ્વાસે સ્વાસે સમરણ કરતાં, અંત ઘડીને માણી લંવ...

કામણગારો કચ્છ

ભજનો અને ગરબા લખતાં લખતાં ક્યારેક કર્મ ભુમીની પણ મહત્તા ગાવાનું મન
થાય, અને લખાય જાય કે...

કામણગારો કચ્છ

ક્ચ્છ્ડો મારો કામણગારો, ક્યાંક લીલો ક્યાંક સુકો
ક્યાંક ઉડેછે રણની રેતી, ક્યાંક ખનીજ નો ભુક્કો..

રવમાં છે રવેચી બેઠાં, મઢ્માં મા મઢ વાળી
કોટેશ્વર માં ગંગધર બેઠાં, ખૂબ કરે રખવાળી

હાજીપીરની હાકલ વાગે, દ્રોહી તેથી ડરતાં
સ્વાન ખર ને કોઇ સાધુ જાણે, આજ પણ રણમાં ફરતાં..

ભુજીયો મુજને એવો ભાસે, કોઇ નગાધીરાજ નું બાળ
ભુજંગ સાથે રમતાં રમતાં, ભૂલ્યું ઘરની વાટ..

વાયુ દેવ વંટોળ બન્યા પણ, એક ન ફાવી કારી
બળુકો પાછો બેઠો થઇ ને, ખોલે નશિબ ની બારી.

ભૂકંપે ભૂંડો ભરડો લીધો, એનો પ્રકોપ ઝીલી લીધો
ભાંગ્યો તુટ્યો ભલે લથડ્યો, પણ માનવ બેઠો કીધો..

ઠામો ઠામ ઠેકાણાં સંત ના, તને રત્નાકર ભરે છે બાથું
દીન"કેદાર" તુજ આંગણ બેસી, ભવનું ભરેછે ભાથું..

જલારામ બાપા

જલારામ બાપા

વીરપુર વાસી હરિગુણ પ્યાસી, ડંકો વગાડ્યો પૂરા દેશમાં
દાતા તમે આવ્યા જલા ના વેશ માં....

માતા રાજબાઇ ખોળે જન્મ ધર્યોને, પિતા પ્રધાન પરખાણા
વીરબાઇ સરીખી મળી અર્ધાગના. ભકિત તરબોળ દરશાણા
સાધુ સંતોની સેવા કરતાં, અંતર ઉમંગ આવેશ માં..

અંગે અંગરખું હાથમાં બેરખો, ગાલે લાખું લાખેણું
ગળે રુદ્રાક્ષની માળા ઓપતી, શોભા તારી શું વખાણું
હાથમાં લાકડી માથે પાધડી, ઓલીયો લાગે છે કેવો ખેસં માં.

લાલા ભગત જેવા સખા તમારા, દળણા સૌ સાથમાં દળતાં
ભેગા મળી સંતો ભજનો લલકારે, આરાધ ઇશ ની કરતાં
ગંગા ને યમૂના સરીખી સરિતા, આવે પનિહારી વેશમાં...

પ્રભુ એ આવી લીધી પરીક્ષા, વિરબાઇ માંગી લીધાં
લેશ ન માયા ઉરમાં આણી, હરખે વળાવી દીધાં
ઝોળીને ધોકો દઈ છટકયા સીતા પતિ, ચાલ્યા સાધુના
પહેરવેશમાં

રામની ભકિત ભાળી પ્રગટ્યા પવનસુત મૂર્તિ રૂપ મંડાણા
હેતે ભગત ને આશિષ આપતાં, પ્રેમ ભાળીને પરખાણા
સદાએ સંતની સાથમાં રહેતા, બેસે કોઇ ભકતના વેશમાં..

રામના નામની ધૂણી ધખાવી, ભુખ્યાને અન્નજળ આપતાં
દીન દુખિયાની કરતા ચાકરી, કષ્ટો ગરીબના કાપતાં
અવળાં ઉતપાત કોઇ અંતર ના આણતાં, બોલે ભલેને કોઇ દ્વેશ માં

દેશ વિદેશના ભકતોની ભીડ જામે, સેવા કરવામાં સૌ શુરો
હેતે હરિજન દર્શન કરતાં, પામે સંતોષ પુરે પુરો
એક અધેલો ચડેના ચડાવો, કોઇપણ દાણ ના પ્રવેશ માં...


દીન "કેદાર" પર દયા દરશાવો, આશિષ અવિરત આપજો
સદા રહે મારે હ્ર્દયે રામજી, એવી મતી મારી રાખજો
હરિગુણ ગાતાં ઉડે પંખેરૂ મારૂં, આવુ તારે દ્વારે શુદ્ધ વેશ માં

Tuesday, October 26, 2010

સ્વાર્થ ની સગાઇ

સ્વાર્થ ની સગાઇ

સ્વાર્થ તણી છે સગાઇ, જગત માં બધી.....
સ્વાર્થ ની સાસુ સ્વાર્થ ના સસરા, સ્વાર્થ તણી કોઇ માઇ....

પુત્ર કમાણી કરી ઘર લાવે તો, દીપક કૂળ ગણાઇ
શરીર ઘટે કે રોગ સતાવે તો, બોજ બને ઘર માંઇ......

માત પિતાની સેવા કરતો-કેમકે-, થઇ નથી ભાગ બટાઇ
વારસો મળતા વસમા લાગે, હવે ડોસો ને ડોશી છે ગંધાઇ...

હરખે સ્વામી હાર ઘડાવે તો, સેવા કરતી સવાઇ
ભાગ્ય ફરે ને ભૂખ સતાવે તો, નિશ દિન કરતી લડાઇ...

પુત્રી કેરા પાય પખાળે તો, વ્હાલો લાગે જમાઇ
જો સૂત નારી સંગે હંસે તો, લાજ કુટુંબ ની લુંટાઇ...

દીન "કેદાર"પર દયા દરશાવી મારી, અળગી કરો અવળાઇ
સ્વાર્થ સઘળાં મારા મનથી મટાવી, પ્રેમ થી લાગું હરિ પાઇ....

સાખીઓ

સગા ને સ્નેહીઓ સઘડાં, સ્વાર્થ મહીં ગરકાવ છે
સબંધ છે સ્વાસ સાથે નો, પછી ક્યાં યાદ રાખે છે

રડે સૌ રાગ તાણી ને, મલાજો મોત નો કરવા
સમય જાતાં વિસારી દે, પછી ક્યાં યાદ રાખે છે....

Friday, October 8, 2010

ગરબો

કચ્છ ધણિયાણી

આશાપુરા જાણી તને કચ્છ ધણિયાણી
પૂરજે માં મારી આશા, મને તારા દર્શન ની અભીલાશા...

બાલુડો તારો ગરબા ગવરાવે, ભક્ત જનો ને ભાવ થી રમાડે
ભક્તિ ની શક્તિ આપો ભુવનેશ્વરી, મને અવિરત રટણ ની આશા....

કોઇ કહે અંબા કોઇ અંબિકા, આરાસુરી કે બહુચર ચંડિકા
અગણિત નામ તારા કેમ ગણાવું, પુત્ર ને શું નામ ની પિપાસા..

ભક્તો તમારાં પગપાળા ચાલતા, માડી ના નામ થી વગડો ગુંજાવતા
ભૂખ તરસ નું ધ્યાન ન લાવે, તારી પાળે પહોંચવા ને પ્યાસા...

આપ્યું અધિક તેં માંગુ શું માવડી, ક્રુપા કરી છે તેં રંક પર આવડી
દીન "કેદાર" પર દયાદર્શાવી, આવી ના જીવન માં નિરાશા...

Saturday, September 25, 2010

ગરબો

કચ્છ ની ધણીયાણી

કચ્છ કેરિ ધરતી માથે ગરબ ગવાય છે, જામે રૂડી ગરબી જોવા દેવીઓ લોભાય છે...

માતા ના મઢ થી માં આશાપુરા આવીયા, રવ છોડીને રવેચી મા સંગે પધારીય
જોગણી મા નો રંગ અનેરો, સાંભળ્યો છે સ્વર ઘેરો ઘેરો, સ્વર સુણીને માડી
મારી જોવા લલચાય છે...

ગબ્બર ના ગોંખ થી અંબામા આવીયા, ચોટીલા વાળી માડી ચામુંડ પધારીયા
માટેલ છોડી ખોડલ આવી, શંખલપુર થી બહુચર આવી, પાવા ગઢ વાળી કાળી સંગમાં જોડાયછે..

રાણી રાધીકા આજ રૂસણે ભરાણા, રમી રમીને રાસ કાના મનડા ભરાણા
જઇશું અમે ગરબો જોવા, નહીં જીવનના લ્હાવા ખોવા, રાણી રાધીકા સંગે
રૂક્ષ્મણા જોડાયછે...

ઇન્દ્ર ઇન્દ્રાણી બ્રહ્મા ને બ્રહ્માણી, આવી આકશ સૌ રહ્યાં રંગત માણી
શોભા બની આજ અનેરી, ભુલ્યા વયુ દેવ હેરાફેરી, ભાળી રંગત ગરબા કેરી
સ્વર્ગ શરામાયછે...

ઢોલ નગારા નોબત વાગે, શરણાઇ ના સૂર સંગે મીઠાં મીઠાં લાગે
ઝાલર વાગે ઝમક ઝમક , ચાલે દેવી ઠંમક ઠંમક, ગરબો "કેદાર" ગાય ઘેલો ઘેલો થયછે...

Thursday, September 23, 2010

ગરબો

ગણેશ વંદના

ગૌરી નો લાલો લાગે ઘણો વ્હાલો,
સૌથી પહેલું સ્થાન, ગજાનન, થા મારો મહેમાન...

મેલ થકી મહાદેવ ઘરે આવ્યા,ગુણપતિ ગુણ નિધાન
મેલ મનના મારાં મટાડો, ગણ નાયક ભગવાન...

સોને મઢેલું સિંહાસન તમારું, રૂપલા છ્ગત્ર ની શાન
રિધ્ધિ સિધ્ધિ સંગે પધારો, ગણ ઇશ છો ગુણવાન...

ચિત્ર વિચિત્ર તેં રૂપ ધરાવ્યુ, આપ્યું જગને ગ્યાન
વક્ર દંતી તારી છબી રસવંતી, હે મહાકાય મહાન...

હાથી કેરું મુખડું તમારૂં, તોય મુષક ને માન
ભાવતાં ભોજન મોદક જમતાં, જમતાં બીડલા પાન...

કાર્ય અમારાં સઘડાં સુધારો, લંબોદર ભગવાન
દીન "કેદાર" જે ગજાનન ગાસે, કોટિ કોટિ યગ્ન સમાન...

Wednesday, September 22, 2010

ગરબો

ગરબો
કચ્છઃની ધરતી

કચ્છઃ કેરી ધરતી માથે ગરબા ગવાય છે,
જામે રૂડી ગરબી જોવા દેવીઓ લોભાય છે.....

માતા ના મઢ થી આશાપુરા આવીયા
રવ છોડીને રવેચી મા સંગે પધારીયા
જોગણી મા નો રંગ અનેરો, સાંભળ્યો છે સ્વર ઘેરો ઘેરો
સ્વર સુણી ને માડી મારી જોવા લલચાય છે.....

ગબ્બર ના ગોખ થી અંબામા આવીયા
ચોટીલા વાળી માડી ચામુંડ પધારીયા
માટેલ છોડી ખોડલ આવી, શંખલપુર થી બહુચર આવી
પાવાગઢ વાળી કાળી, સંગ માં જોડાય છે...

રાણી રાધીકા આજ રૂસણે ભરાણા
રમી રમી ને રાસ કાના, મનડા ભરાણા
જઇશું અમે ગરબો જોવા, નહીં જીવન ના લ્હાવા ખોવા
રાણી રાધીકા સંગે રૂક્ષમણા જોડાય છે...

ઇંન્દ્ર ઇંન્દ્રાણી બ્રહ્મા ને બ્રહ્માણી
આવી આકાશ સૌ રહ્યાં રંગત માણી
શોભા બની આજ અનેરી, ભુલ્યા વાયુ દેવ હેરાફેરી
ભાળી રંગત ગરબા કેરી, સ્વર્ગ શરમાય છે...

ઢોલ નગારા નોબત વાગે,
શરણાઇ ના સૂર સંગે મીઠાં મીઠાં લાગે
ઝાલર વાગે ઝમક ઝમક, ચાલે દેવી ઠંમક ઠંમક
ગરબો "કેદાર" ગાય ઘેલો ઘેલો થાય છે...

Tuesday, September 21, 2010

કલરવ

વો કલરવ કહાં ગયા?

વિદ્યા મંદિર કે પાંસ ગુજરતે, મૈને દેખા એક તમાશા
બોજ ઢો રહી ગધે કી ભાંતી, દેશ કી ઉજ્વલ આશા...

નીંદ કે મારે આધે શહર ને, છોડા નહીં થા બિસ્તર
નન્હા ફુલ તબ દૌડ રહાથા, ઠુંસકે પુસ્તક દફ્તર..

દેખ કે ઐસી હાલત ઉસકી, આંખ મેરી ભર આઇ
બાલ ચરિત્ર કા હનન કરે જો, કૈસી પઢાઇ યે આઇ..

ભોર ભયે કભી તરૂવર પર નિત, ચિડિયાં ચેહકા કરતી
ઘર આંગનમેં માસુમ ટોલી, કિલકારી થી કરતી...

ગોટી લખોટી ગીલ્લી ડંડા, છુપા છુપી સબ છુટા
ભૂલ ગયા બચપન અબ બચ્ચા, મિત્ર ન બાલ લંગોટી..

ભૈડ બકરીસા ભરકર બાલક, દૌડતી ઓટો રીક્ષા
પાઠ શાલાસે ટ્યુશન ભાગે, શિક્ષા હે યા પરિક્ષા..

જીસકી નહીં જરૂરત ઐસે, વિષય ઉસે ના પઢાવો
યે કુદરત કી અમુલ્ય દેન હે, યંત્ર ના ઉસે બનવો...

ભોલાપન ઉસકા મત છીનો, કુછ કરો ઉનપર ભી દયા
"કેદાર" કહીં ના પ્રશ્ન યે ઉભરે, "વો કલરવ કહાં ગયા"?...

Friday, September 17, 2010

રામાયણ

હરિ હૈયા ના હેત

હરિનું હૈયું હરખે ભરાણું
માંગો આજે મન મુકી ને, ભરીદંવ ભક્ત નું ભણું....

ચૌદ વરષ જેણે ચાખડી પુજી ને, ચંદન ચોડી ચડાવ્યું
ભાઇ ભરત ને ભક્તિ આપી, સંતપણું ત્યાં પરખણૂં....

વિભીષણ ને રાજ લંકાનું, અંગદ સૈન્ય સવાયું
રીંછ મરકટ પર રઘૂવિર રીઝ્યાં, આપ્યું જે મૂખથી મંગાણું...

વૈદેહિ વાનર પર ત્રુઠ્યાં, નવલું આપ્યું નઝરાણું
કપિને કંઠની માળા આપી, હેત હૈયામાં ઉભરાણું....

માળના મણકા મુખમાં મૂકીને, દાબ દૈ ને દબાવ્યું
મોતીડાં તોડી કપિ રહ્યાં ખોળિ, ક્યાં ઠાકોર નું ઠેકાણું...

માફ કરી દે માવડી મારી હું, વાનર વિવેક ન જાણું
રામ વિના મને કશુ ન ભાવે, કંચન કથિર જણાણું...

રોમ રોમ મારે રઘૂવિર રમતાં, ઠલું નથી થેકણું
"કેદાર" કપિએ છાતી ફાડી તો, રઘૂકૂળ દિલ દરશાણું....

રામાયણ

સુંદર કાંડ નો સૌથી સુંદર પ્રસંગ, કે જ્યારે હનુમાનજી પહેલીજ વખત માતા
સિતાજી ને મલ્યા.
અને એક બીજા ના ખબર અંતર પુછેછે.

કહો હનુમંતા બોલો બલવંતા,
કહો મોહે કથની, કૈસે ભગવંતા....

ભાઇ લક્ષમન કી, બાત ન માની
લોપી મૈને રેખા તો હર લાઇ લંકા...

મનિ મુદ્રિકા. તુમને ગિરાઇ
નાચા મન મોરા, તુટ ગઇ શંકા..

નિશ દિન રામ રટન મોરે મન મેં
રોમ રોમ રઘુવિર જાપ જપંતા....

કોન કરે સેવા, ચરન કૌન ચાંપે
બિન વૈદેહિ, કૈસે મોરે કંથા....

કૈદ કિયો હનુમો, લૌ લીપટાઇ
"કેદાર" કપિ ના જલીયો જલ ગઇ લંકા..

રામાયણ

સંત ભરત

જેણે મારી માયા ને લાતો, ભરતજી શાને ન સંત કે'વાતો...

રાજ રઘુ નું અભરે ભરેલું, યુગ સુવર્ણ નો જાતો
ઇંન્દ્ર જેવા ને પણ ઇર્ષા આવે, વૈકુંઠ થાતી એની વાતો...

સ્વર્ગ સમું સૌ સુખ સવાયું, દ્વેશ ન દ્વાર ડોકાતો
એવા અવધ ની ગાદી ત્યાગી, લેશ ન દિલ લચાતો..

માયા ત્યાગી મહેલો છાંડી, ઝુંપડે વિતાવી રાતો
માતા માનુની મેવા ત્યાગી, વનફળ વીણી વીણી ખાતો...

ચૌદ વરષ જેણે સાધુ બની ને, તોડ્યો જગથી નાતો
પાદુકા કેરૂં પૂજન કરી ને, હૈયે અતિ હરખતો...

ભક્ત ભરતથી મુનિ જન મોટાં, વેદ ની કરતાં વાતો
બ્રહ્માદિક જેનો આદર કરતાં, "કેદાર" ગૂણલા ગાતો...

Wednesday, September 15, 2010

શબરી

કૈકેઇ ની વ્યથા
કેમ સમજાવું?

ભરત ને કેમ કરી સમજાવું ?
શા દુખ સાથે વચનો વદિ હું, જગને કેમ જણાવું ?..

હું નારી નરપતિ દશરથની, રઘૂકૂળ લાજ ધરાવું
કૂબડી કેરો જો મર્મ ન જાણું તો, શાને ચતુર કહાવું....

જાણ હતી મુજ ભાગ્ય ભટકસે, જગ માં જુલમી કહાવું
છત્ર જશે રઘુ રાય ભડકશે, ધિક ધિક ઘર ઘર થાવું...

અવધ સમાણી સો સો નગરી, રામ ચરણ માં ચડાવું
ઇન્દ્રાશન ની આશ ન રાખું, ધન કુબેર લુંટાવું...

ભરત સમાણા સો સો સૂત ને, વૈદેહિ પર વારૂં
લક્ષમણ લાલો મને અતિ ઘણો વ્હાલો, શા સુખ વનમાં વળાવું..

એક દિલાસો ભક્ત ભરત નો, ત્યાગી તને બિરદાવું
કૈકેઇ કેરી તેં કોંખ ઉજાળિ, સંત સૂત માત કહાવું...

દીન "કેદાર" કૈકેઇ કર જોડું, સત સત શિશ નમાવું
રઘૂવિર કાજે જ્ઝ્વન રોળ્યું, ગદ ગદ ગુણલા ગાઉ...

શબરી

શબરી ના ઘરે શ્રી રામ પધાર્યા
ભાવ ધરી ભગવાન પધાર્યા...

પૂજા અર્ચન મંત્ર ન જાણું, વેદ પુરાણ ની વાત શું પિછાણું
રાખી હ્રદય રઘૂ નાથ ની મૂરત, રામ રામ બસ રામ ઉચાર્યા...

આવી જરા હવે હાથ ન હાલે, દેહ રહે નહિં મારે હવાલે
શાથી થાશે સેવા તમારી, શરીર નમ્યે સરકાર જો પધાર્યા...

આશા એક અવધેશ અમારી, ખુલ્લી રહે નયનો ની બારી
હરિ દર્શનની આશ અમારી, ગુરૂજન કેરાં વચન વિચાર્યા...

સુણી અરજ અવિનાશી પધાર્યા, શબરી ના સંતાપ નિવાર્યા
એઠાં ફળે મિજબાની માણી, ભીલડી કેરાં ભાગ્યા સુધાર્યા....

ભાવ થકી ભગવાન જે ભજતાં, જનમ જનમ ના ફેરા ટળતાં
દીન "કેદાર" હરિ અળગો ન કરતાં, ભક્ત જનોને પાર ઉતાર્યાં...

Tuesday, September 14, 2010

ભરતજી

(ભરત નો વિલાપ)
અવળાં ઉતપત

તને કહેતાં જનનિ લજાતો, તેં અવળાં કર્યા ઉતપાતો...

ધિક ધિક કૈકેઇ ધિક તારી વાણી, શીદ ને વદિ આવી વાતો
રાજ ન માંગુ વૈભવ ત્યાગું, રામા ચરણ બસ નાતો...

જનની કેરૂં તેં બિરૂદ લજાવ્યું, કિધો નાગણ સો નાતો
પતિ વિયોગે ઝુરે પતિવ્રતા, એવો ન ભાવ જણાતો..

લક્ષ ચોરાસી જીવ ભટકતો, ત્યારે માનવ થાતો
ધિક ધિક મારા માનવ તન ને, જે દેહથી રામ દુભાતો..

એક પલક જે રામ રીઝાવે, પાવન જન થઇ જાતો
જન્મ ધરિ મેં પ્રભુજીને પૂજ્યાં, તુટ્યો કાં તોએ નાતો..

પરભવ કેરા મારા પાપ પ્રગટ્યાં, જીવ નથી કાં જાતો
ધન્ય પિતાજી રામ વિયોગે, તોડ્યો તન થી નાતો..

રામ વિરહ માં રડે ભરતજી, "કેદાર" ગૂણલા ગાતો
લેશ ન માયા ઉરમાં આણિ, હરી દર્શન નો નાતો...

Monday, September 13, 2010

रामायण

मिथिला दर्शन

आये मिथिला नगर के मांही,
रघूकूल भूषन राम दुलारे, संगहे लक्षमन भाइ....

आइ सखियां करती बतियां, सपनेहु देखो में नाहीं
एसो बर जो मिले सीयाको, चण्द्र चन्द्रकोरी मिल जाइ...आये..

गौर बदन एक श्याम शरीरा, एक चंचल एक धीर गंभीरा
एक देखुं तो भूलजाउ दुजा, चलत नहीं चतुराइ...आये..

नर नारी सब निरखन लागे, बर बस शिश जुकाइ
सूरज चंदा संगमें निकला, पूरन कला पसरै....आये..

थाल भरी पूजा को निकली, जनक दुलारी लजाइ
नैन मिले जब मूंदली पलके, छबी निकसी नहीं जाइ.आये...

सुर सब अंबर देख सु अवसर, फ़ूल कुसुम बरसाइ
दीन "केदार" ये दिलसे निहारे, जनम मरन मिट जाइ.. आये..

Saturday, September 11, 2010

kevat

કેવટ પ્રસંગ

મેંતો જાણી લીધો ભેદ તમારો, સીતાના સ્વામી,પ્રેમે કહો પાવલાં પખાળો....

ભવ સાગર ભર તારણ હારો, માંગે આજ આશરો અમારો
નાવ માંગે હરિ પાર ઉતરવા, કેવટ મનમાં મુંઝારો...સીતાના સ્વામી...

મર્મ તમારો જાણું હું ભગવંત, જાણું અવતાર તમારો
પરથમ પહેલાં પાય પખાળું, પછી કરૂં પાર કિનારો....સીતાના સ્વામી..

રાત વેળાએ કરતા લક્ષમણ, ન્રુપ સંગ વેદ ના વિચારો
વેદ નો ભેદ મેં એકજ જાણ્યો, જાણ્યો ચરણ ચમકારો.. સીતાના સ્વામી...

રજ તમારી પડી પથ્થર પર, પ્રગટ્યો ત્યાં દેહ દમકારો
જો રજ પરસે નાવ અમારી, તુટે ગરીબ નો ગુજારો...સીતાના સ્વામી...

શીદ ગંગાજળ શુધ્ધ ગણાતું, શીદ શુધ્ધ ગંગા કિનારો
શીદને ભક્ત ગણ ભાગીરથી સેવે, જાણી લીધો વેદ વરતારો..સીતાના સ્વામી...

ગંગા કિનારે જીવન વિતાવ્યું, -તેથી- આવ્યો સમય આજ સારો
ભવ સાગરનો તારણ હારો, કહે મને પાર ઉતારો....સીતાના સ્વામી...

આજ કિનારે બીજી ન નાવડી, અવર ઉતરવા ન આરો
પગ પખાળી પછી પાર ઉતારૂં, માંગુ નહીં આપથી ઉતારો..સીતાના સ્વામી...

જો તેં જાણી લીધું નીર ગંગાનું, જાણી લીધો વેદ વરતારો
શીદ પખાળે પછી પાવલા મારાં, કરે નાહિં ગંગ થી ગુજારો..સીતાના સ્વામી...

જળ ગંગાએ નીચ જન તાર્યા, કીધો અનેક નો ઉગારો
અધમા અધમ હું અતિ અધમ નો, નહિં કરે નીર ઉધ્ધારો..સીતાના સ્વામી...

પ્રેમ પિછાણી રઘુવિર રીઝીયા કહે, તું જીત્યો ને હું હાર્યો
ચરણામ્રુત લઇ મેલ્યું મુખ માંહી, રોમે રોમ ઉજીયરો..સીતાના સ્વામી...

પરભવ કેરો કચ્છ કેવટ રીઝાવી, તાર્યા કુટુંબ પરીવારો
પાર ઉતરી પુછે પ્રભુજી હવે, આપું તને કેવા ઉપહારો..સીતાના સ્વામી...

આજ પ્રભુજી મને શું શું ન મળિયું, અનહદ કર્યાછે ઉપકારો
અવર ન આશ પણ એટલું માંગું, કરજો હવે એક'દિ ઉતારો.......સીતાના સ્વામી......

આજ ગંગાજળ પાર મેં કરાવ્યાં, આવે અંત આયખો અમારો
લખ ચોરાસીના લેખા ન લેજો, દેજો મને આશરો તમારો..સીતાના સ્વામી...

દીન "કેદાર"નો દીન દયાળુ, ભક્ત કેરા ભાર હર નારો
છળ કપટ છોડી રામ જે રીઝાવે, પામે એતો મોક્ષ નો કિનારો..સીતાના સ્વામી...

રામાયણ




૧૯૮૩ માં અહીંના અગ્રણી સ્વ. કાન્તીલાલ શુક્લા ના અથાગ પ્રયત્નો થી પ.પુ
મોરારી બાપુની કથાનો લાભ તેમજ બાપુના સહવાસ નો લાભ મને પ્રાપ્ત થયો, જેમ
જેમ કથા આગળ વધતી ગઇ પ્રસંગો મુજબ રચનાઓ બનતી ગઇ, જે અહીં સમય સમય પર રજુ
કરતો રહિશ.

Thursday, September 9, 2010

ma

મા

જેનો જગમાં જડે નહીં જોટો..
ઉપકાર કર્યો બહુ મોટો, કેવિ મીઠડી માં તેં બનાવી....

નવ માસ તેં ભારને માણ્યો, સહિ પીડ અતિ જગ આણ્યો
પય પાન કાજ ઉર તાણ્યો....કેવિ...

મને પાપા પગલી ભરવી, પડિ આખડી મુજને બચાવી
જીવનની રાહ બતાવી....કેવિ..

જ્યાં હું આવું રોતો રોતો, થોળો સાચો થોળો ખોટો
ત્યાંતો આવે દેતી દોટો..કેવિ...

જ્યારે યોવન મદ ભરી આવ્યું, ધિંગા મસ્તી તોફાન લાવ્યું
પ્યારી ટપલી મારી ટપાર્યો...કેવિ...

ભાલે માનવ બનું હું મોટો, ધન ધાન્ય રહે નહિં તોટો
તોએ માને મન ઘાણી ખોટો...કેવિ..

પ્રભુ "કેદાર" કરૂણા તારી, બસ એકજ અરજી મારી
ભવે ભવ હું બનું એનો બેટો...કેવિ..

sudharo

Saturday, July 17, 2010

પ્રભુજી ની રચના

પ્રભુજી ની રચના
પ્રભુજી તારી રચના ન્યારી ન્યારી
કોઇ કોઇ લાગે અચરજ કારી, કોઇ શુંદર કોઇ ન્યરી...
અખિલ બ્રહ્મમાંડ ના પાલન હારા, પ્રુથ્વિ બનાવી બહુ સારી
સુરજ ચાંદો નવલખ તારા, શોભા સઘડી તમારી..
નગાધિરાજ હિમાલય શિખરો, પહોંચે ગગન અટરી
રતનાકર નો તાગ મએળવવામાં, કોઇની ફાવી નહિ કારી....
માતંગ જેવા મહા કાય બનવ્યા, સુક્શ્માં કિધી કલાકારી
જલચર સ્થલચર નભચર બનાવ્યા તેં, કરતાં ફરે કિલકરી...
અણુએ અણુ માં વાસ તમરો, કણ કણ મૂરતી તમારી
અણ સમજુને સમજ ન આવે, ભક્ત ને ભાસે છબિ તારી
દીન "કેદાર" ના દીન દયળૌ, અનહદ કરુણા તમરી
ભાવ થકી સદા ભુધર ભજું હું, રાખજો એવી મતી મારી..
રચઈતા
કેદારસિંહજી મે.જાડેજા
ગાંધીધામ
E mail-kedarsinhjim@gmail.com

Saturday, July 3, 2010

જલારામ બાપા

જલારામ બાપા

વીરપુર વાસી હરિગુણ પ્યાસી,  ડંકો વગાડ્યો પૂરા દેશમાં
          દાતા તમે આવ્યા જલા ના વેશ માં....

માતા રાજબાઇ ખોળે જન્મ ધર્યોને,  પિતા પ્રધાન પરખાણા
વીરબાઇ સરીખી મળી અર્ધાગના. ભકિત તરબોળ દરશાણા
સાધુ સંતોની સેવા કરતાં,  અંતર ઉમંગ  આવેશ માં..

અંગે અંગરખું હાથમાં બેરખો,  ગાલે લાખું લાખેણું
ગળે રુદ્રાક્ષની માળા ઓપતી,  શોભા તારી શું વખાણું
હાથમાં લાકડી માથે પાધડી, ઓલીયો લાગે છે કેવો ખેસં માં.

પ્રભુ એ આવી લીધી પરીક્ષા,  વિરબાઇ માંગી લીધાં
લેશ ન માયા ઉરમાં આણી, હરખે વળાવી દીધાં
ઝોળીને ધોકો દઈ  છટકયા સીતા પતિ, ચાલ્યા સાધુના
પહેરવેશમાં 

રામની ભકિત ભાળી પ્રગટ્યા પવનસુત મૂર્તિ  રૂપ મંડાણા
હેતે ભગત ને આશિષ આપતાં, પ્રેમ ભાળીને પરખાણા
સદાએ સંતની સાથમાં રહેતા,  બેસે કોઇ ભકતના વેશમાં..

રામના નામની ધૂણી ધખાવી, ભુખ્યાને અન્નજળ આપતાં
દીન દુખિયાની કરતા ચાકરી, કષ્ટો ગરીબના કાપતાં
અવળાં ઉતપાત કોઇ અંતર ના આણતાં, બોલે ભલેને કોઇ દ્વેશ માં

દેશ વિદેશના ભકતોની ભીડ જામે,  સેવા કરવામાં સૌ શુરો
હેતે હરિજન  દર્શન કરતાં, પામે સંતોષ પુરે પુરો
એક અધેલો ચડેના ચડાવો,  કોઇપણ દાણ ના પ્રવેશ માં...


દીન "કેદાર" પર દયા દરશાવો, આશિષ અવિરત આપજો
સદા રહે મારે હ્ર્દયે રામજી, એવી  મતી મારી રાખજો
હરિગુણ ગાતાં ઉડે પંખેરૂ મારૂં, આવુ તારે દ્વારે શુદ્ધ વેશ માં
   

રચયિતા
કેદારસિંહજી મે. જાડેજા
ગાંધીધામ (કચ્છ)
મો. નં ૯૪૨૬૧૪૦૩૬૫
Email (P.P) : -  kedarsinhjim@gmail.com