કરીલે આજ ની વાત, જોજે ન કાલની વાટ
કાલ કોને દીઠી છે...
લખ ચોરાશી પાર ઉતરવા, અવસર આવ્યો આજ
ક્રુપા કરી કરૂણાકરે આપી, મોંઘી માનવ જાત...
જીવડો જાણે હું મોજું કરી લંવ,પછી ભજન ની વાત
અધવચ્ચે આવી અટવાતો, ખાત યમ ની લાત...
પિતા પ્રભુનાએ કાલ પર રાખી, રામના રજ્ય ની વાત
ચૌદ વરસ માં કૈક કપાણા, કૈકે ખાધી મ્હાત...
કાલ ન કરતાં આજ ભજીલે, બાજી છે તારે હાથ
ખબર નથી ક્યારે ખોળીયું પડશે, કોન દિવસ કઇ રાત..
આ સંસાર અસાર છે જીવડા, સાચો જગનો તાત
ભવ સાગર નું ભાતું ભરી લે, ભજીલે તજી ઉતપાત...
દીન"કેદાર"નો દીન દયાળુ, કરે ક્રુપા જો કિરતાર
એક પલક માં પાર ઉતારે, વસમી ન લાગે વાટ..
No comments:
Post a Comment