મને અનહદ આનંદ આવે, હરિને હૈયે હેત કેવું આવે..
સેવક કાજે સરવે સરવા, વિધ વિધ રૂપ ધરાવે
પણ પોતાનું જાય ભલે પણ, ભક્ત ની લાજ બચાવે...
પિતા પ્રભુના પાવળુ પાણી, પુત્ર ના હાથે ન પામે
પણ- અધમ કૂળ નો જોયો જટાયુ, જેની ચિત્તા રામજી ચેતાવે...
ભીષ્મ પિતામ: ભક્ત ભૂધરના, પણ પ્રિતમ એનું પાળે
કરમાં રથ નું ચક્ર ગ્રહતાં, લેશ ન લાજ લગાવે..
સખૂ કાજે સખૂ બાઇ બની ને, માર ખાધો બહુ માવે
ભક્ત વિદુર ની ઝુંપડી એ જઇ, છબીલો છોતરાં ચાવે...
નરસિ કાજે નટખટ નંદન, વણિક નો વેશ બનાવે
હૂંડિ હરજી હાથ ધરિને, લાલો લાજ બચાવે..
ગજને માટે ગરુડ ચડે ને, બચ્ચા બિલાડી ના બચાવે
ટિટોડી ના ઇંડા ઊગારી, "કેદાર" ભરોંસો કરાવે...
ટિપ્પણીઓ નથી:
ટિપ્પણી પોસ્ટ કરો