મરજી રામની સાચી
શાને ધરે તું હું પદ હૈયે, કરણી બધી તારી કાચી...
મનવ જાણે હું મહેલ બનાવું, ટાંક ન રાખું કોઇ ટાંચી
અવિનાશી ના એક ઝપાટે, એમાં ભટકે ભૂત પિસાચી...
નારદ જેવા સંત જનોને, નારી નયને નાચી
માનુની બદલે મુખ મરકટ નું, સૂરત દેખાણી સાચી...
હરણાકંસ નો હરખ ન માતો, લેખ વિધિ નાં વાંચી
નરસિંહ રૂપ ધર્યું નારાયણ, કાયા કપાણી એની કાચી...
ભસ્માસુરે ભગવાન રીઝાવ્યા, જગપતી લીધા એણે જાંચિ
મોહિની કેરો મર્મ ન જાણ્યો, નિજને જલાવ્યો નાચિ...
દીન "કેદાર" પર કરૂણા કરજો, સમજણ આપો મને સાચિ
અવધ પતિ મને અળગો ન કરજો, રામ રહે દિલ રાચિ...
No comments:
Post a Comment