એટલું માંગુ.

એટલું માંગુ.

ઢાળ:- ભેરવી જેવો..

વ્હાલજી હું એટ્લું માંગી લંવ
તારા ચરણ કમળ માં રંવ..

આ સંસાર અસાર છે કેછે પણ, હું કેમ માની લંવ
હરિનું બનાવેલું હોય મજાનું, એને સમજી લંવ..

મુક્તિ કેરો મોહ નથી ભલે, અવીરત જનમો લંવ
પણ ભવે ભવે હું માનવ થઇ ને, ગોવિંદ ગાતો રંવ..

બાલા વય માં બ્રહ્મ ના વિસારૂં, ક્રિશ્ન લીલા રસ લંવ
યૌવન આવ્યે મોહ ના આંબે, નિસ્કામી થઇ રંવ...

દીન "કેદાર"ની એકજ અરજી, તારી નઝર માં રંવ
સ્વાસે સ્વાસે સમરણ કરતાં, અંત ઘડીને માણી લંવ...