ગૌરી નો લાલો લાગે ઘણો વ્હાલો,
સૌથી પહેલું સ્થાન, ગજાનન, થા મારો મહેમાન...
મેલ થકી મહાદેવ ઘરે આવ્યા,ગુણપતિ ગુણ નિધાન
મેલ મનના મારાં મટાડો, ગણ નાયક ભગવાન...
સોને મઢેલું સિંહાસન તમારું, રૂપલા છ્ગત્ર ની શાન
રિધ્ધિ સિધ્ધિ સંગે પધારો, ગણ ઇશ છો ગુણવાન...
ચિત્ર વિચિત્ર તેં રૂપ ધરાવ્યુ, આપ્યું જગને ગ્યાન
વક્ર દંતી તારી છબી રસવંતી, હે મહાકાય મહાન...
હાથી કેરું મુખડું તમારૂં, તોય મુષક ને માન
ભાવતાં ભોજન મોદક જમતાં, જમતાં બીડલા પાન...
કાર્ય અમારાં સઘડાં સુધારો, લંબોદર ભગવાન
દીન "કેદાર" જે ગજાનન ગાસે, કોટિ કોટિ યગ્ન સમાન...
No comments:
Post a Comment