Friday, October 8, 2010

ગરબો

કચ્છ ધણિયાણી

આશાપુરા જાણી તને કચ્છ ધણિયાણી
પૂરજે માં મારી આશા, મને તારા દર્શન ની અભીલાશા...

બાલુડો તારો ગરબા ગવરાવે, ભક્ત જનો ને ભાવ થી રમાડે
ભક્તિ ની શક્તિ આપો ભુવનેશ્વરી, મને અવિરત રટણ ની આશા....

કોઇ કહે અંબા કોઇ અંબિકા, આરાસુરી કે બહુચર ચંડિકા
અગણિત નામ તારા કેમ ગણાવું, પુત્ર ને શું નામ ની પિપાસા..

ભક્તો તમારાં પગપાળા ચાલતા, માડી ના નામ થી વગડો ગુંજાવતા
ભૂખ તરસ નું ધ્યાન ન લાવે, તારી પાળે પહોંચવા ને પ્યાસા...

આપ્યું અધિક તેં માંગુ શું માવડી, ક્રુપા કરી છે તેં રંક પર આવડી
દીન "કેદાર" પર દયાદર્શાવી, આવી ના જીવન માં નિરાશા...

No comments:

Post a Comment