Thursday, February 10, 2011

ગૌરી નંદન

ગૌરી નંદન

ગૌરી નંદ ગણેશ
રૂપ તમારૂં મન હરનારૂં, સુમરે શેષ સુરેશ...

ભાલ વિશાલ નયનો નાના, બેઠાં બાળે વેશ
શિવ શંકરજી લાડ લડાવે, કાપો સઘડાં કલેશ...

મોદક મિસરી માત જમાડે, મુખડું નિરખે મહેશ
રિધ્ધિ સિધ્ધિ પાય પખાળે, વંદે દેવ દીનેશ...

શિવ સનકાદિક અરૂ બ્રહ્માદિક, પરથમ સુમરે ગણેશ
દીન "કેદાર" પર દયા દરશાવો, ગાઉં ગૂણલા હંમેશ..

--સાખીઓ--
સૌથી પહેલાં સમરીએં, ગિરજા નંદ ગણેશ
દીન "કેદાર" ની વિનતી, રહો હ્રિદય માં હંમેશ

ગણ નાયક ગણ ઇશ તું, ભજે ભક્ત ગણ દેવ
દીન "કેદાર" દિન દિન ભજે, કરે તમારી સેવ

ગાઉં ગુણલા ગણેશ ના, રટું નિરંતર નામ
કરો ક્રુપા "કેદાર" પર, સમરૂં ઠામો ઠામ


રચયિતા
કેદારસિંહજી મે જાડેજા
ગાંધીધામ કચ્છ.
www.kedarsinhjim.blogspot.com

No comments:

Post a Comment