Friday, October 14, 2016

સખુબાઇ

સખુબાઇ  

વહાલો ઘૂંઘટ માં લાગે વહાલો વહાલો, બન્યો છે સખુ સામળિયો.. 
વહાલો ભક્તોના ભાર હર નારો, બન્યો છે સખુ સામળિયો..

સખુ સિધાવી જ્યારે સાધુઓ ની સાથે, ભક્ત કેરો ભાર લીધો ભૂધરા એ માથે
આવ્યો સખુનું રૂપ લઈ રસાળો...બન્યો...

ઊઠી  અંધારે નિત દળણા દળાવે,  શિર પર ચડાવી હેલ પાણીડા ભરાવે
રૂડિ ચાલે છે ચાલ ચટકાળો...બન્યો..

બની ગોવાલણ દૂધ દોવડાવે,   મારી કછોટો માવો મહીડા વલોવે
ગાય ગીતો ગીતા નો ગા નારો...બન્યો..

ઈંધણા વીણીને રૂડિ રસોયું બનાવે, સાસુ સસરા ને વહાલો પ્રેમે પિરસાવે
માંજે વાસણ છે મોરલી વાળો...બન્યો..

સાસુ નણંદ ના પાવલાં દબાવે, શેષ ઉપર સુતો જે ગોદડી બિછાવે
વહાલો ભક્તો ની ભીડ ભાંગ નારો...બન્યો

સાસુ નણંદ સૌ મન માં વિચારે, શાણી થઈ સખુ હવે સોટી ના મારે
મુખ મલકાવે નંદ નો દુલારો...બન્યો...     

સખુ સિધાવી સ્વર્ગ સંત સંભળાવે, જીવન મરણ હરિ હાથ સત્ય સમજાવે
જે જનમ્યો તે એક દિ’ જવાનો..બન્યો..

શાનો છે સંઘ ને શાની કરો વાતો, સખુ તો રહેતી સંગ દિવસ ને રાતો
કર્યો સંતો એ ઈશ નો ઇશારો...બન્યો...

સાસુ સસરા સૌ પડ્યા હરિ પાય માં, પ્રભુ દુભાવ્યા હવે મુક્તિ કેમે થાય ના
ફટ ફટ અવતાર અમારો...બન્યો...

ભક્તો કેરી ભક્તિ ભાળી ભૂધરાએ ત્યારે, કિધી સજીવન સખુબાઇ ને પ્યારે
એણે કીધો જનમ ઊજિયારો...બન્યો...

દિન " કેદાર "ના દામોદર રીઝતાં, સાસુ સસરા નણંદ પર નહી ખીજતાં
એણે કીધો અધમ નો ઉદ્ધારો...બન્યો...

રચયિતા
કેદારસિંહજી મે જાડેજા
ગાંધીધામ
9426140365

No comments:

Post a Comment