નંદ દુલારો
મૈયા તારો નટખટ નંદ દુલારો
કરતો ફરે કેર કાળો......
ગોપ ગોવાળ ની ટોળી બનાવી, ચોર નો બન્યો સરદારો
મહી માખણ વહાલો ચોરી ચોરી ખાતો, મોહન મોરલી વાળો...
મથુરા વાટે દાણલા માટે, ગોપીઓ ને દેતો બહુ ગાળો
મારગ રોકે પાલવ પકડે,
છેડે છે છબીલો છોગાળો...
રાજા કંસ નું કરજ વધ્યું છે,
દિન દિન કરે છે દેકારો
કાન્હાને કેદની ક્યાં છે નવાયું, પણ-ગરીબ થી થાશે નહિં ગુજારો...
યશોમતી કોપી લાવો એને ગોતી, દુર્ કરી દંવ દેકારો
બાંધુ એને તાણી હવે ખૂબ મૂંઝાણી, સોટી નો લઉં સથવારો...
રાવ કરી પસ્તાણી ગોપી,
મોહન તો મન હરનારો
માર સોટી નો કેમ કરી ખમશે,
" કેદાર " કોમળ છે બાળો...
રચયીતા-
કેદારસિંહજી મે. જાડેજા
ગાંધીધામ.
9426140365
No comments:
Post a Comment