ભરોંસો
તારે ભરોંસે નાવ છે, પ્રભુ તાર તાર તું
ડૂબે ના મારી બેડલી,
સાચો સુકાની તું...
સંસાર ના ભવ સાગરે,
ભટકે છે મારી નાવડી
સૂઝે દિશા ન શામળા,
એથી ઉગાર તું...
વાયુ ભરાયો વહેમ નો,
સંયમ ના સઢ મહી
છટકે સુકાન હાથ થી,
એને સંભાળ તું...
મારું હલેસા હાથ થી, મોજાં મટે નહિ
પાણી ભરાયા પાપ ના,
એને ઉલેચ તું...
ભાળું નહિ ધ્રુ તારલો,
શાથી દિશા સૂઝે
માયા વમળ થી માધવા,
આવી ઉગાર તું...
સોંપ્યું સુકાન શ્યામ ને,
ભૂધર ભરોસા પર
" કેદાર " દીન ની નાવડી,
કાંઠે લગાડતું...
રચયિતા :
કેદારસિંહજી મે. જાડેજા
ગાંધીધામ -કચ્છ
૯૪૨૬૧૪૦૩૬૫
No comments:
Post a Comment