Sunday, February 5, 2017

પથિક

પથિક
થાક્યો પથિક માર્ગમાં,
ઉતારા મળ્યા નહીં,  
હાંક્યું જીવન ના નાવને,
કિનારા મળ્યા નહીં..

ખાધી હજારો ઠોકરો,
વસમી આ વાટ માં,    
આવી ઘણી ઉપાધિઓ,
સહારા મળ્યા નહીં..

જાલ્યો તો હાથ રાહીનો,
સંગાથ થઈ જશે,  
ચાલ્યા ઘણું એ સાથમાં,
કદમો મળ્યા નહીં..

આશા હતી મળશે હવે,
તરાપો તોફાનમાં,  
ભાળીને નાવ ભીડમાં,
માલમ મળ્યા નહીં..

કાવડ ઉઠાવી કાંધ પર,
તરસ્યાંની આશ માં,  
ખાલી વેંઢાર્યા ભારને,
પ્યાસા મળ્યા નહીં..

આવ્યો હવે "કેદાર"છે,
શરણે સીતા પતિ,    
તોડો માયાની જાળને,
મને રસ્તા મળ્યા નહીં..  

રચયિતા :
કેદારસિંહજી મે. જાડેજા
ગાંધીધામ  -કચ્છ
૯૪૨૬૧૪૦૩૬૫

No comments:

Post a Comment