Saturday, December 24, 2016

ઉપકારી સંતો

ઉપકારી સંતો

ઢાળ-અમને અડશોના અભડાશો. જેવો                         
સાખી-સંત હૃદય સમતા ઘણી,અવિરત રટણા રામ, પરજનની પીડાહરે,
એ સાધુ નું કામ.

સાખી-જટાધરી સાધુ બન્યો, ભગવા પહેર્યા અંગ,
અંતર રંગ લાગ્યોનહીં,
રહ્યો નંગનો નંગ.

સાખી- જટાધરી જોગી થયો, ભસ્મ લગાવીઅંગ,
મોહ માયા ત્યાગીનહીં,
રહ્યો નંગનો નંગ

જગમાં સંત સદા ઉપકારી.
પર દુખ કાજે પંડને તપાવે,
આપે શિતલતા સારી...

અમરેલીમાં એક સંત શિરોમણિ, મુળદાસ  બલિહારી
રાધા નામે એક અબળા ઉગારી, કલંક લીધું શિર ધારી..
સંત સદા ઉપકારી.

જામ નગરનો રાજા રીસાણો, ગુરુ પદ કંઠી ઉતારી
ભરી સભામાં મૃત બિલાડી જીવાડી, દિગ્મૂઢ કીધાં દરબારી...
સંત સદા ઉપકારી.

જલારામ વીરપુરના વાસી,
પરચા પૂર્યા બહુ ભારી
વીરબાઇ માંગી પ્રભુ પછતાણા, આપી નિશાની સંભારી..
સંત સદા ઉપકારી.

ધાંગધ્રાનો એક જેલનો સિપાહી, ભજન પ્રેમ મન ભારી
"દેશળ" બદલે દામોદર પધાર્યાં, પહેરા ભર્યા રાત સારી... 
સંત સદા ઉપકારી.

સુરદાસ જ્યારે પ્રણ કરી બેઠાં, સંખ્યા પદની વિચારી
સુર શ્યામ બની શ્યામ પધાર્યા, હરજી હર દુખ હારી...
સંત સદા ઉપકારી.

થયા ઘણાંને હશે હજુ પણ, રહેતાં હશે અલગારી
"કેદાર" કહે કોઈ એકને મળાવીદો,  જાણું કરુણા તારી...
સંત સદા ઉપકારી.

No comments:

Post a Comment